वणी विधानसभेतील स्थानिक स्वराज्य संस्था स्वबळावर लढणार

राष्ट्रीय समाज पक्षाच्या पक्षश्रेष्ठींचा निर्धार

आशिष साबरे (यवतमाळ जिल्हा प्रतिनिधी):  वणी - आगामी स्थानिक स्वराज्य संस्थेच्या निवडणुका स्वबळावर लढणार असून वणी विधानसभेत राष्ट्रीय समाज पक्षाची वाढविण्यासाठी प्रयत्नशील असल्याचे मत राष्ट्रीय समाज पक्षाचे चंद्रपूर-वणी-आर्णी लोकसभा मतदारसंघाचे लोकसभाप्रमुख अनिकेत चामाटे यांनी व्यक्त केला. आगामी नगरपरिषद,जिल्हा परिषद पंचायत समिती निवडणुकीसाठी प्रत्येक पक्ष आपल्या पद्धतीने तयारीला लागला आहे.

वणी-मारेगाव-झरी विधानसभेतील निवडणुकीसाठी राष्ट्रीय समाज पक्ष निवडणुकीसाठी सक्षम असून भविष्यात स्वबळावरच लढणार असे मत वणी विधानसभा प्रमुख नितीन गोरे यांनी व्यक्त केले. युवकांना संधी देण्याचे काम राष्ट्रीय समाज पक्ष येणाऱ्या सर्व निवडणुकांमध्ये करेल राष्ट्रीय समाज पक्षाच्या झेंड्याखाली विधानसभेतील सर्वात स्थानिक स्वराज्य संस्थेच्या निवडणुका लढविणार असल्याचे म्हटले सध्या जिल्ह्यात युवकांसाठी पोषक वातावरण आहे.

महाराष्ट्र राज्याचे माजी पशुसंवर्धन दुग्ध विकास व मत्स्य विकास मंत्री तथा राष्ट्रीय समाज पक्षाचे राष्ट्रीय अध्यक्ष आमदार मा.श्री.महादेवजी जानकर यांच्या नेतृत्वात राष्ट्रीय समाज पक्ष महाराष्ट्रात येणाऱ्या स्थानिक स्वराज्य संस्थेमध्ये जास्त जागा जिंकेल असा निर्धार कार्यकर्त्यांनी केला आहे.