20 वर्षीय कामगाराचा रेल्वे पुलावरून पडून मृत्यु.

पाटण पोलीस स्टेशन अंतर्गत येणाऱ्या कमळवेली जवळची घटना.

झरी: दि.9 फेब्रुवारी रोजी पाटण पोलीस स्टेशन अंतर्गत येणाऱ्या कमळवेली गावानजीक असलेल्या रेल्वे  पुलावरील पटरीवर रेल डांग अचानक तुटल्याने  काम करणारा २० वर्षीय मजूर पुलाखाली पडल्याने त्याचा मृत्यू झाल्याची घटना ९ फेब्रुवारी दुपारी २ वाजताचे सुमारास घडली.   तालुक्यातील कमळवेली गावाजवळ असलेल्या रेल्वेच्या पुलावर मध्यप्रदेश येथील कंत्राटदाराचे काम सुरू होते. कंत्राटदारांच्या तुकडीत सकन परसु सऱयाम रा. कोरपनी (खुर्द) बरेली पार जी छिंदवाडा मध्यप्रदेश हा गेल्या दोन महिन्यांपासून रेस पटरी रिपेअरिंग काम त्याचा नातेवाईक मनेश राम धुर्वे सोबत करीत होता.

९ फेब्रुवारी ला दुपारी दोन वाजताचे सुमारास सकन रेल्वे पटरी रिपेअरिंग करीत असताना रेल डांग अचानक तुटली त्यात सकन पुलावरून खाली पडला. त्याच्या डोक्याला  मार लागला . त्यात तो गंभीर जखमी झाला. ठेकेदार याने  त्याला पाटण येथील खाजगी रुग्णालयात उपचारासाठी दाखल केले होते. मात्र त्याची प्रकृती चिंताजनक असल्याने पुढील उपचारासाठी वणी येथील ग्रामीण रुग्णालयात दाखल केले. मात्र  डॉक्टरांनी मृत घोषित  केले. पुलावरून खाली पडल्याची माहिती  ठाणेदार संगीता हेलोंडे याना मिळताच घटनास्थळी पोहचले व पंचनामा केला. 

पटरी वर काम करीत असताना संबंधीत ठेकेदाने सुरक्षा किट जसे हेल्मेट जोडा व इतर वस्तू देणे गरजेचे असतांना ठेकेदारांनी किट दिले नसल्याची माहिती आहे. किट असती तर तर डोक्याला गंभीर दुखापत झाली नसती असेही बोलले जात आहे.याबाबतची  तक्रार रंजितकुमार बकोरा सिंग ३५ या रेल्वे कर्मचाऱ्याने वणी पोलिसात दिली आहे.