मांगली येथील युवकाची पालघर (मुंबई) येथे अपघातात मृत्यू झाल्याची घटना घडली.

प्रतिनिधि : झरी तालुक्यातील मांगली  येथील युवकांची पालघर (मुंबई) येथे अपघातात मृत्यू झाल्याची घटना ६ फेब्रुवारी रोजी घडली. मृत व्यक्ती  माणिक बद्रे वय ( ३२) हा पालघर (मुंबई) येथे गेल्या ४ वर्षपासून पालगाव जिल्ह्यातील डहाणू येथिल सायवन आश्रम शाळेत उपअधीक्षक म्हणून कार्य करीत होता. कटाळा या ठिकाणी आरटीओचा लायसन्स कॅम्प असल्याने माणिक हा चारचाकी घेऊन कटाळा येथे  लायसन्स काढण्याकरिता गेला.परत येताना कासा पोलीस स्टेशन च्या हद्दीत रस्त्यालगत झाडाला  ५ वाजताच्या दरम्यान  धडक दिली त्यात माणिक यांच्या पोटात वाहनाचे स्टेरींग पोटात घुसल्याने त्याचा जागीच मृत्यू झाला. 

अपघात घडताच तेथील लोकांनी वाहनाचे दरवाजे व इतर ठिकाणाहून गाडी फोडून माणिकला काढण्याचे अतोनात प्रयत्न केले परंतु काहीच उपयोग झाला नाही. अपघाताची माहिती मांगली येथे रात्री १० वाजता दरम्यान कासा पोलीस स्टेशन मधून मिळताच मृतकाचा भाऊ निकेश बद्रे व हर्षल बद्रे हे पालगाव करिता रात्रीच रवाना होऊन शव ८ फेब्रुवारीला आणले व अंत्यविधी करण्यात आली. माणिकच्या मृत्यूमुके गावात सर्वत्र हळहळ व्यक्त होत आहे. विशेष  म्हणजे मृतक माणिक बद्रे हा नुकताच नेट सेट ची परीक्षा उत्तीर्ण झाला होता. मृतकाचा मागे पत्नी ३ वर्षाची मुलगी,आई वडील व भाऊ असा आप्त परिवार आहे