आमदार बोदकुरवार यांनी १५ लाखाचा निधी व ५ हजार स्क्वेअर फूट जागा मादगी समाज भवनाकरिता दिली..

(तालुका प्रतिनिधी): झरी तालुक्यातील मुकूटबन सर्वात मोठी ग्रामपंचायत तसेच लोकसंख्येच्या बाबतीत मोठे असलेले शहर मुकुटबन येथे मागील काळात काही समाजकरिता समाजभवन देण्यात आले याच अनुषंगाने मादगी समाजाने सुद्धा समाज भवनाची मागणी केली होती.

भवनाची मागणी मादगी समाजाची अनेक वर्षांपासून थकीत होती .

ही मागणी सरपंच मीना आरमुरवार यांनी आमदार बोदकुरवार यांच्या कडे रेटून धरली होती.अखेर आमदार यांनी स्थानिक विकास निधीतून १५ लाख रुपये दिले व ५ हजार स्क्वेअर फूट जागा भवनकरिता मंजूर करून दिली व भवन बांधकाम करीता १५ लाख दिले. सदर जागेचे भूमिपूजन २ फेब्रुवारीला आमदार बोदकुरवार यांच्या हस्ते भुमीपूजन सुद्धा करण्यात आले. मादगी भवन करिता आमदार संजीवरेड्डी बोदकुरवार यांनी १५ लाख दिले.

सरपंच मीना जगदीश आरमुरवार यांच्या प्रयत्नाला यश आले आणी एका पाठोपाठ एक काम करण्यास मुकूटबन ग्रामपंचायत पदाधिकारी सज्ज असल्याचे पहायला मिळत आहे.

भूमिपूजनाच्या दरम्यान आमदार यांच्या सोबत पंचायत समिती सभापती राजेश्वर गोंड्रावार उपसभापती लता आत्राम खरेदी विक्री सोसायटीचे अध्यक्ष चक्रधर तिर्थगिरीकर ,अरून चिंतावार ,भालचंद्र बरशेट्टीवार ,राजू अक्केवार ग्रामपंचायत , संजय परचाके,अर्चना चिंतावार ,श्यामल अक्केवार तसेच मादगी समाजाचे शिवारेड्डी आरमुवार,रमेश पुनड्रावार ,गणेश आरमुरवार, रामना बट्टावार ,अनिल दूर्लवार ,प्रदीप पुंगुरवार विकास बट्टावार, गणेश बट्टावार उपस्थित होते.