दोन दुचाकींची समोरासमोर धडक; एकजण जागीच ठार, 2 गंभीर जखमी || राज्य महामार्गावरील घटना.

मारेगाव : शहरापासून एक किलोमीटर अंतरावर राज्य महामार्गावर असलेल्या पुला जवळ दोन दुचाकींची समोरासमोर धडक बसली. यात एकाच जागीच मृत्यू झाला तर 2 जण गंभीर जखमी झाले आहेत.

प्राप्त माहितीनुसार, आज दि.7 फेब्रुवारी रोज सोमवार दुपारी चार वाजता सुमारास झरी जामणी तालुक्यातील मांगुर्ला  येथील रहिवासी प्रकाश महादेव शेडमाके (35), हे जागीच ठार झाले तर शेख फईम शेख मतीन (24), सय्यद इरफान सय्यद तटीपुरा आदिलाबाद हे गंभीर जखमी झाले असुश  ए पी. 01 आर 4340 या दुचाकी वाहनाने करंजी येथे जात होते. तर त्यांच्या विरुद्ध दिशेने मांगुर्ला  येथील रहिवासी प्रकाश महादेव शेडमाके हे दुचाकी वाहन क्र. एच.एच. 29 बी क्यु  3249 ने काही कामानिमित्य मारेगाव कडे जात असतांना  राज्य महामार्गावरील पेट्रोल पंपाजवळ दोन्ही दुचाकीस्वाराची समोरासमोर जोरदार धडक बसली. या धडकेत प्रकाश शेडमाके यांचा जागीच मृत्यू झाला. तर दोन जण गंभीर जखमी झाले आहेत.

मृतक प्रकाश शेडमाके यांचा मृतदेह शवविच्छेदनासाठी व अपघातात झालेल्या गंभीर जखमींना उपचाराकरिता ग्रामीण रुग्णालय मारेगाव येथे दाखल करण्यात आले आहेत. सदर घटनेबाबत पोलीस स्टेशन मारेगाव येथे नोंद करण्यात आली असून पुढील तपास सुरु आहे.