मारेगाव तालुक्यातील टाकळी (कुंभा) येथील शेतकरी पुत्राची आत्महत्या.

मारेगाव (प्रतिनिधी) : तालुक्यातील टाकळी (कुंभा) येथील युवा शेतकरी व शेतकरी पुत्र  राहुल सुरेश ठोंबरे  (वय 24) हा दोन दिवसापासून घरातून बेपत्ता असल्याने घराच्या सदस्यांनी   राहुल याचा शोध घेतला असता शोध लागला नसल्याने आज दि.7 फेब्रुवारी रोज सोमवार रोजी 2 वाजताच्या दरम्यान गावातील एका विहिरी मध्ये मृतदेह आढळून आल्याने आत्महत्या की घातपात याबाबत वेगवेगळ्या प्रकारच्या चर्चा केल्या जात आहे. याघटनेची माहिती मारेगाव पोलीसांना देण्यात आली असुन पोलीस घटनास्थळी दाखल होवून मृतदेह विहिरीच्या बाहेर काढुन याघटनेचा पंचनामा करण्याचे काम चालू होते. राहुल यांच्या पश्चात आई, वडील, एक मोठा भाऊ असा आप्त परिवार पाठीमागे आहे.