झरी तालुक्यातील बाळापुर येथे विजेच्या शॉर्ट सर्किटमुळे घराला आग लागुन जीवनावश्यक वस्तूंची झाली राख.

आगीमध्ये रोख रकमेसह जीवनावश्यक साहित्य जळून राख

(प्रतिनिधी):  झरी तालुक्यातील बाळापूर येथील एका घराला दुपारच्या वेळी विजेच्या शॉट सर्किटमुळे आग लागून जीवनावश्यक साहित्यासह रोख रक्कमही जळाली असल्याचे समोर आले. ३ फेब्रुवारी रोज दुपारी १२ वाजता दरम्यान बाळापूर येथील बाबाराव पिंगे यांच्या घराला अचानक विजेच्या शॉट सर्किटने आग लागली . आगीत घरातील रोख रक्कम तसेच कपाटातील सोने वितळले गेले तसेच पलंग ,अनाज ,कपडे व इतर साहित्य जीवनावश्यक वस्तू जळून खाक झाल्याचे समजते. त्यात पिंगे यांचे लाख रुपयाचा नुकसान झाल्याचा अंदाज आहे. घराला आग लागल्याने घरातील जीवनावश्यक वस्तू साहित्य जळाल्याने सद्याच्या परिस्थितीत कुबियांना घरातील चूल पेटवने कठीण झाले असल्याची माहिती समोर आली आहे.

आग लागुण घराचे नुकसान झाल्याची तक्रार पिंगे यांनी मुकुटबन पोलिस स्टेशनला तहसीलदार व विजवीतरण कंपनी कार्यालयात दिली. तक्रारीवरून तलाठी नितीन बागडे पोलीस कर्मचारी खुशाल सुरपाम व दिलीप जाधव यांनी घटनास्थळी जाऊन पाहणी करून पंचनामा केला. तसेच वीज वितरण कंपणीचे कर्मचार्यांनी सूद्धा जाऊन पाहणी केली. पींगे यांनी आग वीजेच्या शाॅर्ट सर्कीटमुळे लागली असून आगीत झालेली नुकसान भरपाई लवकरात लवकर देण्याची मागणी पिंगे यांनी केली आहे.