चारचाकी वाहनाच्या धडकेत दुचाकी चालक ठार ।। खैरगाव (भेदी) येथील घटना.

मारेगाव (प्रतिनिधी): पांढरकवडा येथून खैरगाव भेदी  रस्त्यानी बोटोणी कडे जाणाऱ्या दुचाकीला जोरदार धडक  दिल्याने दुचाकी चालक ठार झाल्याची घटना आज दि. 4  फेब्रुवारी रोज  शुक्रवार रोजी दुपारी 2 वाजताचे सुमारास घडली.

ठार झालेल्या दुचाकी चालकाचे नाव परशराम नागोराव टेकाम (३२)रा.ढोकी ता.पांढरकवडा असे अपघातात मृत्यू झालेल्या इसमाचे नाव आहे.तो पांढरकवडा येथून दुचाकीने खैरगाव मार्गे बोटोणी कडे जात असताना समोरून येणाऱ्या बोलेरो वाहनाने जबर धडक दिली. गंभीर जखमी अवस्थेत परशुराम याला उपचारासाठी मारेगाव ग्रामीण रुग्णालयात दाखल केले असता वैद्यकीय अधिकारी यांनी जखमीची तपासणी केली असता मृत घोषित केले. याघटनेचा पुढील तपास मारेगाव पोलीस  करत आहे.