कत्तलीकरिता जनावरे घेऊन जाणारे चारचाकी वाहन पोलिसांच्या ताब्यात..!

झरी तालुक्यातील गणेश पूर गावाजवळील घटना.

राजू गारगे (झरी) :  तालुक्यातील गणेशपूर गावाकडून चारचाकी वाहनातून  तेलंगणात कत्तलीकरिता जाणाऱ्या  वाहनासह ११ जनावरे जप्त करुन  दोघांना अटक केली तर एक जण फरार झाला आहे. जनावर भरलेले वाहण पोलीस स्टेशनला लावण्यात आले.

३ फेब्रुवारी रोज मुकुटबनचे ठाणेदार अजित जाधव यांना विश्वसनीय माहीती मिळाली की गणेशपुर येथुन एक मालवाहतुक वाहन महीद्रा एम. एच ३४ एम ४३३६ मध्ये अवैधरित्या जनावरे कोंबुन जनावरे घेवून जात आहे. अशा माहितीवरून ठाणेदार जाधव यांनी पोलिस उपनिरीक्षक अनिल सकवान, सहायक फौजदार खुशाल सुरपाम,, दिलीप जाधव, संजय खांडेकर यांना माहीती देउन सदर वंशन पकडण्याचे आदेश दिले.

यावरून पोलीस उपनिरीक्षक अनिल सकवान यांनी मुकुटबन येथील कृषी उत्पन्न बाजार समीती  जवळ नाकाबंदी केली पोलिसांना मिकलेल्या माहिती प्रमाणे गणेशपूर कडुन  एक मालवाहतुक वाहन महीद्रा एम.एच ३४- एम ४३३६ येतांना दिसले सदर वाहनास थांबविताच वाहनातील एक ईसम अंधारात पळून गेला. वाहनाचे चालकास ताब्यात घेवून पोलिसांनी नाव पत्ता विचारले असता त्याने  संदिप गणपत साखरकर वय ३२ वर्ष रा. अडेगाव असे सांगीतले तसेच त्याचे सोबत वाहनात बसुन असलेला  दुसऱ्याही इसमास ताब्यात घेऊन नाव विचारले असता राजु लिंबाजी सोयाम वय २६ वर्ष रा प्रिंपडवाडी  सांगितले.

सदर मालवाहतुक वाहनात  ११ नग जनावरांचे पायाला व मानेला नायलोन दोरीने बांधुन कोनत्याही प्रकारे चारापाण्याची व्यवस्था न करता निर्दयतेने कोबुन असलेले मिळुन आले.  वाहन चालक व त्याचे सोबत असलेल्या इसमास पोलिसांनी ताब्यात घेवून त्यांचे जवळील ११ नग जनावरे किंमत. १ लाख ४१ हजार   व अवैद्य व निर्दयतेने जनावरे वाहतुकीस वापरण्यात आलेली चारचाकी किंमत  १ लाख ५० हजार  असा एकुण २ लाख ९१ हजाराचा  मुद्देमाल जप्त केला. व  दोन्ही आरोपी विरुद्ध महाराष्ट्र प्राणी संरक्षण कायदा कलम ५ (अ) (ब) ९.९ (अ) प्राण्याचा छळ अधिनीयम १९६० कलम ११(१) () (बि) (ई) (एफ) (एच) (आय) (के) कलमा प्रमाणे गुन्हा नोंद करण्यात आला.११ जनावरांना  मुकुटबन येथील ग्रामपंचायत कोडवाड्यात ठेवण्यात आले.