व्ही.जे.एन. टी प्रवर्गाला घरकुलाचा लाभ द्या, पात्र लाभार्थ्यांचे गटविकास अधिकारी यांना निवेदन.

वीस वर्षात बंजारा समाजातील एकाही परिवाराला घरकुल का मिळाला नाही ? गावकऱ्यांकडून हा प्रश्न विचारला जात आहे.

मारेगाव (प्रतिनिधी) :  यवतमाळ जिल्ह्यातील मारेगाव तालुक्यात पंचायत समिती मध्ये येत असलेल्या वागदरा गट ग्रामपंचायत वसंत नगर तांडा अनेक वर्षापासून घरकुला पासून वंचित असून व शासनाच्या अनेक समस्या या तांड्यात असल्यामुळे शासन व प्रशासनाची डोळेझाक करीत असल्याची गावकऱ्यांमध्ये बोलले जात आहे. कॅनरा बँक वसंत नगर तांडा असून अनेक समस्यांमुळे ग्रासलेला आहे. 

आम्हाला न्याय कधी मिळणार कधी होणार आमच्या गावाचा विकास हा प्रत्येक गावकरी प्रशासन आणि शासनाला प्रश्न करीत आहे अशा आशयाचे निवेदन मारेगाव पंचायत समितीचे गट विकास अधिकारी साहेब यांना निवेदन देण्यात आले.

व्ही जे एन टी प्रवर्गातील घरकुल लाभार्थ्यांना घरकुलाचा लाभ देण्यात यावा अशा प्रकारची मागणी  या प्रवर्गातील नागरिकांनी गटविकास अधिकारी यांना देण्यात आलेल्या निवेदनातून केलेली आहे.  मारेगाव तालुक्यातील वसंतनगर हे  गाव वागदरा या गट ग्रामपंचायतमध्ये येते. येथील नागरिकांनी अनेकदा ग्रामपंचायत कार्यालयामध्ये घरकुलाचा लाभ मिळावा म्हणूनअनेकदा ग्रामपंचायतची पायरी झिजवली.  ग्रामपंचायत कार्यालयानेही या लाभार्थ्यांना घरकुल योजनेचा लाभ मिळावा म्हणून पंचायत समितीमध्ये पाठपुरावा केला. परंतु या व्ही जे एन टी प्रवर्गातील नागरिकांना योजनेअंतर्गत अजूनपर्यंत कोणत्याही प्रकारचा घरकुलचा लाभ मिळाला नाही. 

व्ही जे एन टी या प्रवर्गातील नागरिक हे घरकुल या योजनेपासून अद्यापपर्यंत वंचीत आहेत. त्यामुळे पात्र असूनही या प्रवर्गातील नागरिकांना या योजनेचा लाभ न मिळाल्याने घरकुलापासून वंचीत असलेल्या नागरिकांनी पंचायत समिती गाठत गटविकास अधिकारी यांना निवेदन दिले. यात व्ही जे एन टी प्रवर्गाला घरकुलाचा लाभ न मिळाल्यास उपोषणास बसू अशा प्रकारचा इशारा सुद्धा देण्यात आलेला आहे. यावेळी मनसेचे शहर अध्यक्ष नबी शेख, कांता राठोड, पुष्पा जाधव,  बेबी राठोड, ममता जाधव,सुनीता राठोड,सीमा राठोड, तोता राठोड,रेखा जाध , संगीता राठोड, सुनीता पवार, कमल जाधव,मंगला पारखी यांच्यासह अनेक महिला उपस्थित होत्या.