शेतकऱ्यांच्या कृषी पंपाचे विद्युत तोडनी त्वरित थांबवा..!

मारेगाव तालुका राष्ट्रवादी काँग्रेस पार्टीचे मा.तहसीलदार साहेब यांना निवेदन

मारेगाव (प्रतिनिधी): मारेगाव तालुक्यात काही दिवसापासून शेतकऱ्याचे कृषी पंपाचे विद्युत देयके थकीत असल्यामुळे विद्युत महा.वितरण कंपनी कडून शेतकऱ्याचे कृषी पंपाचे विद्युत तोडणीचा सपाटा तालुक्यात सुरू आहे.  तरी गेल्या दोन वर्षापासून तालुक्यातील शेतकऱ्याचे नैसर्गिक आपत्तीमुळे मोठ्या प्रमाणात खरीप व रब्बी पिकाचे मोठ्या प्रमाणात नुकसान झाले आहे. या नैसर्गिक संकटामुळे नैसर्गिक संकटामुळे शेतकरी मेटाकुटीस आलेला असून मोठ्या प्रमाणात आर्थिक संकटात सापडला आहे आठवड्यापूर्वी तालुक्यात झालेल्या अवकाळी पाऊस व गारपिटीने तुर व रब्बी पिकाचे मोठ्या प्रमाणात नुकसान झाले असून सध्याचे चना व गहू हे रबी पिके कशीतरी शेतात फुलत असताना विद्युत महावितरण कंपनी ने शेतकऱ्याचे विद्युत देयके थकीत असल्यामुळे विद्युत तोडणी चा सपाटा सुरू केला आहे , त्यामुळे शेतकऱ्याचे नैसर्गिक आपत्तीतून वाचलेले रब्बी पिक सुद्धा विद्युत पुरवठा बंद असल्यामुळे हातातून जाण्याची शक्यता आहे म्हणून तालुका राष्ट्रवादी कांग्रेस पार्टी मारेगाव च्या वतीने मा.तहसीलदार दीपक पुंडे यांना विद्युत महावितरण कंपनीच्या विरोधात निवेदन देण्यात आले.

तालुक्यात कोणत्याही शेतकऱ्यांच्या कृषी पंपाचा विद्युत पुरवठा खंडित करू नये जर या दोन दिवसात शेतकऱ्यांच्या कृषी पंपाचा विद्युत पुरवठा पूर्ववत चालू न केल्यास व वीज तोडणी बंद न केल्यास तालुका राष्ट्रवादी काँग्रेसच्या वतीने विद्युत महावितरण कार्यालयाच्या कार्यालयावर शेतकऱ्यांना सोबत घेऊन आंदोलन करण्यात येईल, यावेळी तालुका राष्ट्रवादी काँग्रेस पक्षाचे भारत तुकाराम मते, सचिन पचारे, दयाल रोगे, हेमंत नरांजे, जिजा ताई वरारकर, नागेश रायपुरे ,शेख मुन्ना, नितीन वाढई, व पक्षाचे अनेक कार्यकर्ते निवेदन देतानी उपस्थित होते.