पत्नी सोबत अनैतिक संबंध असल्यामुळे व्यक्तीवर कुऱ्हाडीने मारहाण

झरी जामणी :  तालुक्यातील पाटण पोलीस ठाण्याच्या अंतर्गत येणाऱ्या माथार्जुन येथे पत्नी सोबत अनैतिक संबंध असल्याच्या संशयाने २९ वर्षीय पतीने २२ वर्षीय तरुणाला पानठेल्यावर खर्रा खात असताना मानेवर, कानाजवळ कुऱ्हाडीने मारुन जखमी केल्याची घटना घडली आहे.

सविस्तर वृत्त असे की, झरी जामणी तालुक्यातील माथार्जुन येथील अरविंद रामु आत्राम (वय २२) हा  २१ जानेवारी ला दुपारी एक वाजताचे सुमारास  गावातील प्रशांत केरवतकर यांच्या पानठेल्यावर खर्रा खात असताना सुनिल भिमराव टेकाम वय २९ रा. माथार्जुन  हा तिथे आला. व तुझे माझ्या पत्नी सोबत संबंध आहे. असा वाद घालून अरविंद चे मानेवर व कानाजवळ कु-हाडीने वार करून गंभीर जखमी केले असल्याची तक्रार अरविंद ने पाटण पोलिसात दिली. 

त्यावरून  सुनिल भिमराव टेकाम (वय २९) रा. माथार्जुन विरुद्ध  कलम ३२४ भादंवी अन्वये गुन्हा दाखल करण्यात आला आहे. पुढील तपास ठाणेदार संगीता हेलोंडे यांच्या मार्गदर्शनाखाली पाटण पोलीस करीत आहेत.