उद्याला झरीत जंगोम दल व वंचितची एकत्र बैठक..!

राष्ट्रीय जंगोम दलाचे राष्ट्रीय अध्यक्ष उपस्थित असणार.

वणी(प्रतिनिधी :-  राष्ट्रीय जंगोम दल व वंचित बहुजन आघाडीची उध्या झरी येथील विठ्ठलराव उईके यांचे निवासस्थानी सकाळी ११ वा एकत्र बैठकीचे आयोजन करण्यात आले आहे. या वैठकीला जंगोल दलाचे राष्ट्रीय अध्यक्ष मारोतीदादा उईके तर वंचितचे पदाधिकारी उपस्थित असणार आहे.

नुकत्याच संपन्न झालेल्या झरीजामनी नगर पंचायत सार्वत्रिक निवडणुकीत जंगोम दल व वंचित बहुजन आघाडीने संयुक्त निवडणुक लढवून ९ पैकी ४ जागेवर घवघवीत यश संपादन केल्याने राजकीय वर्तुळात प्रस्थापितांना चांगलीच चपराक दिली आहे. झरी जामनी हा तालुका आदिवासी बहुल असून जंगोम दल हे आदिवासी युवकांच संघटन प्रचंड मजबूत आहे. आणि त्याला जोड आता वंचित बहुजन आघाडीची मिळाल्याने प्रस्थापित राजकीय पक्षांचे  धाबे चांगलेच दणाणले आहे. 

नगर पंचायतीत ४ जागेवर विजय मिळवून जिल्ह्यातील राजकारणाला विचार करायला भाग पाडले आहे. राजकीय घडामोडीवर विचार विनिमय व विजय उमेदवाराचे स्वागत करण्यासाठी राष्ट्रीय जंगोम दलाचे राष्ट्रीय अध्यक्ष मारोतीदादा उईके, प्रदेशाध्यक्ष सुवर्णा वरखडे, वंचित  बहुजन आघाडीचे तालुकाध्यक्ष दिलीप भोयर, निवडणूक निरीक्षक मिलिंद पाटील, मंगल तेलंग, विठ्ठल उईके, कालिदास उईके, चेतन कुडमिथे, राजू शेख, नवनिर्वाचित नगर सेवक ज्ञानेश्वर  कोडापे, सौ. सीमा मंडाले, अनिल आत्राम सौ संगीता  किनाके यांच्यासह अनेक पदाधिकारी उपस्थित असणार आहे.