झरी नगरपंचायत निवडणूकीत बिजेपीचा धुव्वा, काँग्रेस, शिवसेनेने तसेच जंगोम ने मारली बाजी

● काँग्रेस ५ ,शिवसेना ५ ,जंगोम दल ४ ,बीजेपी १ व अपक्ष १ उमेदवार आले निवडून

आशिष साबरे (यवतमाळ जिल्हा प्रतिनिधी)

झरी:- नगरपंचायत निवडणुकीत सत्ताधारी बिजेपीचा धुव्वा उडाला असून एकाच जागेवर समाधान मानावे लागले तर जंगोम ५ व मनसे १ सीट  निवडून येऊन खाते उघडण्यात यश आले आहे तर एका अपक्ष उमेदवाराने सुद्धा मजल मारली आहे . काँग्रेस ५ व शिवसेना ५ सीटा निवडून आणल्याने नंबर १ चे स्थान मिळविले आहे. तर जगोम दल दुसऱ्या क्रमांकावर आली आहे. 
        मागील ५ वर्ष नगरपंचायत वर ७ सीता निवडून बिजेपीची सत्ता बसली होती परंतु या निवडणुकीत दिग्गज उमेदवारांना हार स्वीकारून फक्त १ सीटवर समाधान मानावे लागले. निवडणुकीत दिग्गज उमेदवारांनी मोठ्या प्रमाणात रोकडचा वापर केला तर अनेक प्रभागात चुरशीची लढाई झाली.वॉर्ड क्रं १ मध्ये समान मते पडल्याने ईश्वर चिठी करण्यात आली. बिजेपीला ९ उमेदवार निवडून येण्याची अपेक्षा होती परंतु त्यावर पाणी फेरल्या गेले. या निवडणुकीत आजी माजी आमदार ,खासदार मंत्री यांची प्रतिष्ठा पणाला लागली होती. अखेर मतदारांनी मतदानाचा हक्क बजावून अयोग्य उमेदवार याना जागा दाखऊन योग्य उमेदवार निवडून आणले आहे. निवडून आलेले उमेदवारांना घेऊन काँग्रेस ,जंगोम दल  व शिवसेच्या वतीने गुलाल उधळून जयघोष करीत जल्लोष करण्यात आले. निवडणुकीत काँगसचे सर्वाधिक ७४ मतदान घेऊन दिनेश जयस्वाल विजय झाले  तर  वैशाली भोयर ५५, सुजाता अनमूलवार २६, प्रभाकर किनाके ३९,सोनाली सोयाम २६ शिवसेनेच्या ज्योती बीजगूनवार ७५, संतोष मंचलवार ३७,शीला चौधरी ८२,रजनी नैताम ३१ जंगोम दलचे  ज्ञानेश्वर  कोडापे  २७,  सीमा  मंडाले ४३, अनिल आत्राम २५,  संगीता  किनाके ३४ मते तर बिजेपीची जिजाबाई मुके ३१,मनसेचे प्रवीण लेनगुळे ४१  व अपक्ष श्रीराम मेश्राम ७७ मते घेऊन विजय झाले आहे. निवडणूक निर्णय अधिकारी म्हणून उपविभागीय अधिकारी विवेक जॉन्सन होते तर संपूर्ण प्रक्रिया तहसीलदार गिरीश जोशी नायब तहसीलदार महेश रामगुंडे, अशोक ब्राम्हणवाडे यांच्या देखरेखीत शांततेत पार पडले. मतमोजणी  दरम्यान कोणतेहि अनुचित प्रकार घडू नये याकरिता उपविभागीय पोलीस अधिकारी संजय पूजलवार यांच्या नेतृवात  पाटणच्या ठाणेदार संगीता हेलोंडे यांनी वणी शिरपूर व मुकुटबन येथील अतिरिक्त स्टॉप बोलावून चोख बंदोबस्त ठेवला होता.