भूमिपुत्रांनी कंपनीचा रास्ता बंद करताच कंपनीला आली जाग || १९ व्या दिवशी उपोषणाची सांगता.

रफीक कनोजे (झरी-जामणी) मुकूटबन : मुकूटबन येथील आरसीसीपीएल कंपनी अँड एमपी बिर्ला ग्रुप सिमेंट कंपनीच्या विरोधात स्थानिक शेतकऱ्यांनी कंपनीच्या फाटकाच्या बाजूला ३० डिसेंबर पासून धरणे आंदोलन व सोमवार (ता. १०) पासुन आमरण उपोषणला सुरुवात करून बोचऱ्या थंडीत व पावसात आमरण उपोषण सुरू केले होते. या दरम्यान कंपनीने आंदोलन कर्त्यांसोबत तीन वेळा बैठक घेऊन सुध्दा दखल न घेतल्याने १९ व्या दिवशी सोमवार १७ जानेवारी ला आंदोलन कर्त्यांनी आक्रमक पवित्रा घेत आरसीसीपीएल कंपनी अँड एमपी बिर्ला ग्रुप सिमेंट कंपनीच्या मुख्य फाटका समोर ३:३० वाजता कंपनीच्या विरोधात मुर्दाबादचे नारे देत दोन तास कंपनीचा मुख्य रास्ता रोको केला तेव्हा कंपनी प्रशासन हादरले असे म्हणतात ना "नाक दाबल्या शिवाय तोंड उघडत नाही" या म्हणी प्रमाणे कंपनीच्या अधिकाऱ्यांनी पोलीस प्रशासन व तालुका प्रशासनाला मदतीसाठी बोलावून ठाणेदार अजित जाधव यांनी ५:३० वाजता पोलीस ठाण्यात लगेच बैठक आयोजित केली. या बैठकीत सकारात्मक चर्चा होऊन कंपनी प्रशासनाने कंपनीत भूमिपुत्रांना पगार पटावर नौकरीवर घेणार असे कंपनीच्या अधिकाऱ्यांनी लिखीत आश्वासन देऊन १९ व्या दिवशी आंदोलन व उपोषणाची सांगता करण्यात आली.

१३४ शेतकऱ्यांनी ४३४ एकर शेती दहा, अकरा वर्षापूर्वी भविष्यात नौकरी मिळेल या आशेवर कंपनीला कवडीमोल भावात विकल्या परंतु कंपनी शेतकरी पुत्रांना ठेंगा दाखवून मागील चार वर्षापासून ठेकेदारी पध्दतीने काम देत आहे. प्रकल्पग्रस्त भूमिपुत्रांना आरसीसीपीएल कंपनी अँड एमपी बिर्ला ग्रुप सिमेंट कंपनीच्या पगार पटावर शैक्षणीक पात्रतेनुसार नौकरी व कंपनीच्या नियमाप्रमाणे भविष्य निर्वाह निधी व ईतर सवलती देणार नाही तोपर्यंत आंदोलन व आमरण उपोषण सुरू राहील वेळ पडल्यास सिमेंट कंपनीला सळो कीं पळो करून सोडू असा असा इशारा देत आंदोलन व उपोषण सुरू होते. आरसीसीपीएल कंपनी अँड एमपी बिर्ला ग्रुप सिमेंट कंपनी, कंपनीत भूमिपुत्रांना पगार पटावर नौकरीवर घेणार नाही यावर तिन्ही बैठकीत ठाम होती.

आमरण उपोषणाच्या १९ व्या दिवशी प्रकल्पग्रस्त भूमिपुत्रांना सिमेंट कंपनीच्या पगार पटावर शैक्षणीक पात्रतेनुसार नौकरी देऊ असे सांगून कंपनी कडून सोमवारला सकाळी ११ वाजता चौथी बैठकीचे आयोजन करण्यात आले होते. त्यातही वेळेचे बंधन न पाळता बैठक न घेता दुपारी २:३० वाजता कंपनीतर्फे पत्र पाठवुन मंडपातील पोलीस कर्मचाऱ्याला दिले त्या पत्रात प्रकल्पग्रस्तांना ठेकेदाराच्या माध्यमातूनच नौकरी वर घेऊ. प्रकल्पग्रस्तांना कंपनीत नोकरीवर घेणार नाही असे त्या पत्रात नमूद होते. कंपनी कडून न्याय देण्याची भूमिका नसल्याने सोमवारचा दिवसही चर्चेविना जातानाचे लक्षण दिसताच ऐनवेळेवर प्रकल्पग्रस्त सोमवार (ता. १७) ला दुपारी ३:३० वाजता मुकूटबन येथील प्रकल्पग्रस्त शेतकरी भूमिपुत्रांनी, शेतकरी व महिलांनी फाटक बंद करून दोन तास कंपनीची वाहतूक सेवा बंद करून कंपनीतील एकही कर्मचारी व कामगारांना सुध्दा आत किंवा बाहेर जाऊ दिले नाही. फाटक बंद करून आंदोलन केले यावेळी ठाणेदार अजित जाधव यांनी चोख पोलीस बंदोबस्त ठेवला होता.

या आंदोलनात कंपनीच्या विरोधात वासुदेव विधाते, मनोज आकीनवार, दत्तात्रय चिंतावार, गणपत बच्चेवार, अखील बरशेट्टीवार यांनी जय जवान जय किसान, आरसीसीपीएल कंपनी मुर्दाबाद, जमीन आमच्या हक्काची नाही कोणाच्या बापाची असे गगनभेदी नारे देत कंपनी प्रशासनाला हादरून सोडले. तेव्हा कंपनी प्रशासन हादरले त्यांनतर कंपनीने पोलीस प्रशासन व तालुका प्रशासनाकडे मदतीची याचना केली. ठाणेदार अजित जाधव यांनी लगेच तहसीलदार गिरीश जोशी यांना माहिती देऊन लगेच बोलावून घेतले. संध्याकाळी ५:३० वाजता पोलीस ठाण्यात लगेच बैठक आयोजित केली. या बैठकीत कंपनीचे अधिकारी दत्ता, पंत, दिनेश अडकिनी व ईतर अधिकारी, तहसीलदार गिरीश जोशी, ठाणेदार अजित जाधव, मंडळ अधिकारी बाबुसींग राठोड, सरपंच मिना आरमुरवार, वासुदेव विधाते, शेतकरी संघर्ष समितीचे प्रदीप टोंगे, दिनेश बर्लावार यांचे समक्ष सकारात्मक चर्चा होऊन या बैठकीत टप्या टप्याने स्थानिक १३४ प्रकल्पग्रस्त भूमिपुत्रांना शैक्षणीक पात्रतेनुसार कंपनीतील पगार पटावर नौकरीवर घेणार, कंपनीच्या नियमाप्रमाणे भविष्य निर्वाह निधी व ईतर सवलती देणार असे आश्वासन दिले ते शेतकरी संघर्ष समितीने मान्य केले त्यानंतर कंपनीच्या अधिकाऱ्यांनी लिखीत मध्ये दिले.ही बैठक संध्याकाळी ७ वाजता संपली. संध्याकाळी ७:३० वाजता बैठकीतील सर्वजण उपोषण स्थळावर जाऊन चार उपोषण कर्ते संभा गोविंदा पारशिवे, सचिन अरुण चिंतावार, योगेश गणपत बच्चेवार, शुभम ऋषी जिन्नावार यांना तहसीलदार गिरीश जोशी व मंडळ अधिकारी बाबुसिंग राठोड, सरपंच मिना आरमुरवार व कंपनीचे अधिकारी दत्ता यांचे हस्ते मँगो फंटाचे ज्यूस पाजून १९ व्या दिवशी उपोषणाची सांगता करण्यात आली.