पाटण पोलिसांची कोंबडा बाजारावर धाड || सव्वा लाखाच्या मुद्देमालासह सात जणांना घेतले ताब्यात.

आशिष साबरे (यवतमाळ जिल्हा  प्रतिनिधी)  झरी जामनी: तालुक्यातील पाटण पोलिसांच्या हद्दीत येणाऱ्या मुच्छी शिवारात पाटण पोलिसांनी कोंबड्यावर झुंज लावून हार जीतवर पैशाची बाजी लावणाऱ्या सात जणांना सव्वा लाख रुपयांच्या मुद्देमालासह अटक केली आहे.

सविस्तर वृत्त असे की,झरी जामनी तालुक्यातील मुच्छी शिवारातील नाल्यालगत कोंबड्यांची झुंज लावून त्यावर जुगार खेळत असल्याची माहिती पाटण ठाणेदार संगीता हेलोंडे यांना मिळताच त्यांनी काल दिनांक 14 जानेवारी 2022 रोजी  सहकाऱ्यांसह जाऊन छापा टाकला असता, कोंबड्यांच्या पायाला तीक्ष्ण काती बांधून झुंज लावणाऱ्या सुरेश देवराव कुमरे ३८ बिरसाईपेठ, धर्मा माधव मेश्राम ३५, बिरसाईपेठ, सीताराम पोतू आत्राम ५० कोडपाखिंडी, भाऊराव बाजीराव अंके ५० चालबर्डी, अरविंद आनंदराव नैताम २६ चालबर्डी भास्कर पोतू मडावी २२ कोडपाखिंडी, विजय सीताराम आत्राम २२ कोडपाखिंडी, या सात जणांना तीन दुचाकीसह ताब्यात घेऊन त्यांचे जवळून एक लाख २५ हजार २० रुपयांचा मुद्देमाल हस्तगत केला आहे. सदरची कारवाई जिल्हा पोलीस अधीक्षक डॉ दिलीप पाटील भुजबळ, अप्पर पोलीस अधीक्षक खंडेराव धरणे, उपविभागीय पोलीस अधिकारी संजय पूजलवार यांच्या मार्गदर्शनाखाली ठाणेदार संगीता हेलोंडे, अभिमान आडे,रत्नाकर सलामे, सुरेश राठोड, संदीप सोयाम,अमित पोयाम, नरेश गोडे आदींनी केली आहे.