शुल्लक कारणावरून लोखंडी सलाख मारून जख्मी केले..

वणी: धाब्यावर काम करनारे दोन कामगारांमध्ये जुंपली व वाद विकोपाला जाऊन एकाने दुसऱ्याला लोखंडी सळाखीने मारून जख्मी केल्याची घटना काल २१ एप्रिल ला बुधवारी सकाळी ११ वाजता घडली असुन गुन्हा सायंकाळी ६.३० वाजता सुमारास झाला.  हि घटना झोला  ढाब्यावर घडली आहे . पोलिसांनी आरोपी विरुद्ध गुन्हा दाखल केला आहे.

वणी वरोरा रोडवरील झोला शिवारात (पाटाळा पुलाजवळ) असलेल्या  ढाबा येथे वेटर असलेल्या दोन युवकांमध्ये ग्राहकाचा टेबल लावण्यावरून चांगलीच जुंपली. वाद एवढा विकोपाला गेला की, एकाने दुसऱ्याला लोखंडी सळाखीने मारून जख्मी केले. धाब्यावर काम करणाऱ्या युवकांना ग्राहकांना चांगली सेवा पुरविल्यास बक्षीस मिळत असल्याने तेथील कामगार काही निवडक ग्राहकांना सेवा पुरविण्यास पुढाकार घेण्याचा प्रयत्न करतात. याच पुढाकार घेण्याच्या वादातून एकाने दुसऱ्याला जख्मी केले.

धाब्यावर काम करणाऱ्या किशोर नामक वेटरने अमोल भीमराव कळसकर (२८) रा. घुगुस, ह.मु.  ढाबा झोला शिवार याला ग्राहकाला टेबल लावण्याच्या कारणावरून लोखंडी साळखीने मारून जख्मी केले. याबाबत अमोल कळसकर याने पोलीस स्टेशनला दिलेल्या तक्रारीवरून पोलिसांनी किशोर सालघन (३६) रा वणी नामक वेटर विरुद्ध भादंवि च्या कलम ३२४ नुसार गुन्हा दाखल केला आहे.  पुढील तपास पोलीस करीत आहे.