एसीसी कंपनीविरोधात कामगाराचे तीन दिवसापासून उपोषण सुरुच..!

एसीसी कंपनी व्यवस्थापनाचे उपोषणाकडे दुर्लक्ष

घुग्घुस (प्रतिनिधी):    बुधवार 15 डिसेंबर पासून घुग्घुस येथून जवळच असलेल्या नकोडा येथिल आठवडी बाजारातील ओट्यावर एसीसी सिमेंट कंपनी विरोधात किसन बावणे या कामगाराने आमरण उपोषण सुरु केले तीन दिवसापासून उपोषण सुरुच आहे एसीसी कंपनी व्यवस्थापनाने उपोषणाकडे दुर्लक्ष केले व पोलीसांनी उपोषणाकडे दुर्लक्ष केल्याचा आरोप शुक्रवार 17 डिसेंबर रोजी उपोषणाच्या तीसऱ्या दिवशी उपोषणकर्त्याने केला आहे. किसन बावणे रा. बीबी, नांदा फाटा ता. कोरपणा जिल्हा चंद्रपूर हा 14 वर्षा अगोदर पासून एसीसी सिमेंट कंपनीतील कंत्राटदार अवनीश लॉजिस्टीक कंपनीच्या कंत्राटदाराकडे पेलोडर ऑपरेटरचे काम करीत होता.

 परंतु कंत्राटदाराने डबल ओवरटाइम, बोनस, लिव्ह पेमेंट, हजेरी कार्ड, पेमेंट स्लिप अश्या सुविधा कामगारास दिल्या नाही. हा कामगार दर महिन्यात 30 दिवस 12 तास प्रमाणे काम करीत होता. परंतु आपल्या सुविधे बद्दल विचारले असता कामगाराला कामावरून बंद केले. कामगारास  आई, वडील, पत्नी, दोन मुले आहे. कामगाराला कोणतेही काम नसल्याने कामगाराची मानसिक स्थिती व आर्थिक परिस्थिती खराब झाली तसेच कामगाराच्या कुटुंबियांवर उपासमारीची वेळ आली. न्याय हक्कासाठी व 15 वर्षाचा बोनस, ओव्हर टाइम, लिव्ह पेमेंट, नुकसान भरपाई मिळण्यासाठी या कामगाराने विदर्भ लेबर युनियनच्या बॅनर खाली आमरण उपोषण सुरु केले आहे. यावेळी विदर्भ लेबर युनियनचे अध्यक्ष डी. जी. लोहकरे व कामगार किसन बावणे उपस्थित होते.