संशयित मृत्यू प्रकरणाची योग्य चौकशी करून न्याय मिळेल का ?

वणी (प्रतीनिधी ):  शहरात 2 फरवरी 2021  ला मृतक सुहास झाडे यांचा संशयित मृत्यू झाला, मात्र अजूनही कोणतीच चौकशी नाही, मुख्य आरोपीचा शोध लावण्यात वणी पोलीस अपयशी का आहे? असे अनेक  प्रश्न त्यांच्या पत्नी कविता झाडे यांना पडले आहे. याबाबत यवतमाळ पोलीस अधीक्षक यांना चौकशी करून न्याय मिळवून द्यावा अशी तक्रार केली आहे.

मारेगाव पंचायत समिती अंतर्गत दांडगाव ( आपटी )मध्ये ग्रामसेवक या पदावर काम करत होते. त्यांची मारेगाव पंचायत समिती मध्ये मिटिंग होती, सायंकाळी 6 वाजता मिटिंग झाल्यावर ते वरोरा येथे आटोने जात होते तसे त्यांनी घरी फोन करून सांगितले, पण ते त्यादिवशी घरी पोहचले नाही. त्यांचा फोन बंद दाखवत होता. म्हणून वणी शहरात शोध घेण्यात आला, मात्र त्यादिवशी शोध लागला नाही. दुसऱ्या दिवशी त्यांचा वणी कायर रोड वरील पुलाखाली सुहास झाडे यांचा मृतदेह दिसला. त्यांचा मोबाईल व पैसे त्यांच्या जवळ नव्हते. त्यांची हत्या झाली आहे व  पोलिसांनी आकस्मित मृत्यूची नोंद केली आहे. मात्र माझ्या पतीच्या मृत्यूची वणी पोलिसांनी योग्य चौकशी करावी यासाठी त्यांना वारंवार विचारले मात्र त्यांनी फक्त चौकशी सुरू आहे असे सांगतात. चार महिने झाले तरी पण काहीच सुगावा लागत का नाही ? मला न्याय मिळेल काय ? या करिता पोलीस अधीक्षक यांनी या प्रकरणाचा तपास जलदगतीने करावा अशी मागणी केली आहे.