शेतामधुन बैलबंडीत कापुस घरी घेऊन येताना शेत पांदनरस्ता चिखलाने खराब असल्याने बैल चिखलात फसुन जागीच ठार.

बोरी (गदाजी) येथील घटना, शेतकऱ्याचे झालेले आर्थिक नुकसान शासनाने भरपाई करून द्यावे ही संबंधित शेतकऱ्याची मागणी

आशिष साबरे(यवतमाळ जिल्हा प्रतिनिधी) मारेगाव: तालुक्यातील बोरी(बु) म्हनजेच बोरी गदाजी येथील शेतकरी श्री भैय्याजी चौधरी यांच्या शेतातून काल दिनांक 30 ऑक्टोबर राजी सायंकाळी कापूस घेऊन येणारी बैलबंडी चिखलाने माखलेल्या रस्त्यात फसल्यामुळे, एका बैलाचा चिखलात फसून जागीच मृत्यू झाला.  एका मुक्या प्राण्याचा अशा प्रकारे झालेल्या मृत्यूमुळे संबंधित शेतकऱ्याला दुःखाचा हादराच बसला आहे. बैल हे शेतकऱ्यांना खूप महत्वाचे असतात. बैलाशिवाय या तंत्रज्ञानाच्या काळात सुद्धा शेती करणे शक्य होत नाही. बोरी गदाजी येथील शेत पांदनरस्ते मोठ्या प्रमाणात खराब झाल्याने गावातील शेतकऱ्यांनी 26 ऑक्टोबर रोजी मा आमदार संजीवरेड्डी बोदकुरवार यांना शेत पांदनरस्ते दुरुस्त करून देण्यासाठी निवेदन दिले होते.या घटणेला 4 दिवस झाले असतांनाच काल खराब पांदनस्त्यामुळे एका बैलाचा हकनाक जीव गेला ही खरंच दुःखाची बाब आहे. एक बैल मरण पावल्याने संबंधित शेतकऱ्याचे भावनिक आणि आर्थिक नुकसान झाले आहे.तेव्हा शासनाने आर्थिक भरपाई करावी अशी संबंधित शेतकऱ्याची मागणी आहे. तसेच मा आमदारांनी लवकरात लवकर गावातील सर्व शेत पांदनरस्ते दुरुस्त करून घ्यावे अन्यथा पुन्हा अशा प्रकारची घटना घडल्या शिवाय राहणार नाही.