प्रभागातील चं उमेदवार हवा, बाहेरील उमेदवार नकोच

शहरातील मतदारांचा कल,भाऊ आणि सर एकत्र फिरल्याने वातावरण काँग्रेस मय

प्रविण गायकवाड(राळेगांव तालुका प्रतिनिधी): नगर पंचायत राळेगांव ची निवडणूक २१ डिसेंबर रोजी होणार असून,कोणत्याही राजकीय पक्षांचा उमेदवार हा प्रभागातील च असावा,बाहेर च्या प्रभागातील उमेदवार आमच्या वर लादू नये,बाहेरील पार्सल नकोचं असाच मतप्रवाह सतरा प्रभागातील मतदारांचा चर्चेअंती निदर्शनास येत आहे. काल दिवसभर काँग्रेस पक्षाचे सर आणि भाऊ नी बारा प्रभाग फिरुन  जनमताचा कौल घेत, प्रमुख कार्यकर्ता मंडळी सोबत सखोल चर्चा करुन योग्य,पक्षनिष्ठ,उमेदवार कोण राहील याची चाचपणी केली.खूप वर्षांने काँग्रेस पक्षाचे नेते कार्यकर्ता मंडळी रस्त्यावर उतरल्याने,राजकीय वातावरण सध्या काँग्रेस पक्षाचे बाजूने वळत असल्याचे चित्र काल दिसले.

आजी माजी आमदारांची राजकीय प्रतिष्ठा पणाला लागली असून,भाजपा चे विद्यमान आमदार काँग्रेस पक्ष बंडखोरांची आतुरतेने वाट पाहत आहे पण मात्र समोर असलेल्या,कृषी उत्पन्न बाजार समिती राळेगांव,सोसायटीच्या,जिल्हा परिषद व पंचायत समिती च्या निवडणूका सह उर्वरित ग्रामपंचायतीच्या निवडणूका लागोपाठ असल्याने काँग्रेस पक्षा मधील बंडखोरी ची शक्यता धुसर होत आहे असे स्पष्ट मत  राजकीय निरिक्षकांचे आहे. शिवसेना,मनसे,आप सह राष्ट्रवादी काँग्रेस पक्षाचे नेते कार्यकर्ता मंडळी साठी नगर पंचायत राळेगांव ची निवडणूक एक सुवर्णसंधी असून आता पर्य॔त केलेली कामे,आपली जनमानसात काय प्रतिमा आहे?हे दाखविणारी असणार आहे हे विशेष...