अड्याळ टेकडी वरून गुरुकुंज मोझरीला पदयात्रा

अड्याळ टेकडी वरून गुरुकुंज मोझरीला पदयात्रा

क्रिष्णा वैद्य (ब्रम्हपुरी-प्रतिनिधी):  राष्ट्रसंत तुकडोजी महाराज यांच्या पुण्यतथीनिमित्त सतत 53 वर्षापासून श्रीगुरुदेव आत्मानुसंधान भु-वैकुंठ अड्याळ टेकडीवरून पालखी पदयात्रा गुरुकुंज मोझरीला जात असते. परंतु कोविड 19 चे  संपूर्ण नियमाचे पालन करून हि पालखी काढण्यात आली, महामारीमुळे ही पालखी पदयात्रा खंडित पडू नये म्हणून अश्या परिस्थितीत ही पालखी पदयात्रा कार्यकर्त्यांच्या विचारविनिमयातून पालखी पदयात्रा काढण्यात आली आहे. त्यामुळे गुरुदेव भक्तात आनंदाचे वातावरण निर्माण झाले आहे.

आज दि. 14-10-2021 गुरूवार ला सकाळी 8 वाजता सत्संग भवनातील अधिष्ठानावर पालखी प्रमुख श्री.सुभाष पा.बोरकर,सौ बेबीताई काकडे, मार्गदर्शक श्री.डाॅ नवलाजी मुळे गुरूजी, सुश्री रेखाताई बुराडे, श्री लालचंद जी नखाते, श्री जागेश्वर पडोळे, श्री सोनुभाऊ भुरे यांच्या पावन उपस्थितीत राष्ट्रसंतांची पालखी ठेवण्यात आली. तसेच चौगान वरून आलेली वारकरी भजन मंडळी यांच्या नेतृत्वात पालखी समोर भजन संपन्न झाला. या कार्यक्रमाला यशस्वी करण्यासाठी गावागावातुन आलेले गुरूदेव सेवा मंडळाचे कार्यकर्ते व इतर यांच्या प्रमुख उपस्थितीत मध्ये राष्ट्रसंतांची पालखी पदयात्रा काढण्यातआली.