तीर्थक्षेत्र घाटराई विकासाच्या प्रतीक्षेतच

दर्जा तीर्थक्षेत्राचा मात्र विकासाचा पत्ता नाही ; भाविकांची गैरसोय

कोरपना:  निसर्गरम्य माणिकगड पहाडाच्या पायथ्याशी असलेले घाटराई देवस्थान व परिसर विकासापासून वंचितच आहे. त्यामुळे येथील विकास साधण्यात यावा अशी अपेक्षा भाविक व पर्यटकाकडून होते आहे.

तीर्थक्षेत्र असलेल्या घाटराई येथील हातलोणी गावापासूनचा मार्ग अतिशय खडतर आहे.त्यामुळे तारेवरची कसरत करत नागरिकांना येथे पोहचावे लागते. या रस्त्यावरील नाल्यात पुल नसल्याने चार चाकी वाहन धारकांना जोखमीचे ठरते आहे. या ठिकाणी असलेल्या भक्त निवासाची ही अत्यंत दुरवस्था झाली असून दारे , खिडक्या तुटल्या गेल्या आहे. या स्थानी हातलोनी मार्गावर भव्य प्रवेशद्वार, सामाजिक सभागृह , परिसराचे सुशोभीकरण, निसर्गरम्य ठिकाण असल्याने मनोरंजन पार्क , वन उद्यान आदींची निर्मिती करण्यात यावी अशी मागणी आहे. मात्र याकडे प्रशासनाचे दुर्लक्ष होत आहे. यावर पर्यटन विकास महामंडळ यांनी लक्ष देण्याची गरज व्यक्त होत आहे.