नागपूर येथील विभागीय कापूस संशोधन संस्थेची गुलाबी बोंड अळी निवारणासाठी शेतकऱ्यांच्या शेतात भेट..!

भारतीय वार्ता न्युज पोर्टल ला बातमी प्रकाशित झाली होती. 

 राजू गोरे (शिंदोला) :  शिंदोला या परिसरातील कापूस पिकावर आलेल्या बोंड अळीच्या प्रादुर्भावाची बातमी भारतीय वार्ताच्या दिनांक 30 जुलै च्या अंकात करण्यात आली होती.  सदर वृत्ताची दखल घेत नागपूर येथील केंद्रीय कापूस संशोधन संस्था यांनी विभागीय कृषि अधिकारी पांढरकवडा व तालुका कृषी अधिकारी वणी यांच्या संयुक्त पथकाने बोंड आळी ग्रस्त शेतकऱ्यांच्या शेतात दिनांक पाच ऑगस्टला सायंकाळी पाच वाजता भेट दिली.  या पथकात नागपूरच्या संस्थेचे संशोधन अधिकारी चिन्ना बाबू तसेच जगन राठोड उपविभागीय कृषी अधिकारी पांढरकवडा व सुशांत माने तालुका कृषी अधिकारी वणी, पवन कावरे मंडळ कृषी अधिकारी कायर, विशाल घुडे कृषी पर्य.वणी, आर इ बड़े, मुकेश पत्रे, प्रशांत कोठारे कृषी सहाय्यक हजर होते. 

 पथकाने शिंदोला येथील रवींद्र पांगुळ यांच्या शेतात रोगग्रस्त पिकाची पाहणी केली असता त्यांना कापसाच्या पिकावर  डोम कळीमध्ये  बोंडअळी आढळून आली.  पाहणी केल्यावर पथकाने सध्या गुलाबी बोंड आळी सुरवातीच्या अवस्थेत असून हि अळी नान बीटी कापसाच्या झाडांवर आढळून आली आहे त्यामुळे शेतकऱ्यांनी घाबरून न जाता निंबोळी अर्क व इतर कीटकनाशकांची वेळीच फवारणी करून अळीचे नियंत्रण करावे असे मार्गदर्शन केले.   वेळोवेळी कृषी विभागाकडून व केंद्रीय कापूस संशोधन संस्थेकडून प्रादुर्भावग्रस्त गावांमध्ये कृषी मार्गदर्शन कार्यशाळा आयोजित केल्या जातील व त्यामध्ये बोंड अळी नियंत्रणासाठी मार्गदर्शन केले जाईल अशी ग्वाही दिली.  सदर पथकाच्या भेटीच्या वेळी परिसरातील अनेक शेतकरी तसेच शिंदोला येथील श्री कल्याणी कृषी केंद्राचे संचालक श्री शांतीलाल जैन व श्री संजय भाऊ निखाड़े पंचायत समिती सदस्य वणी तसेच श्री विठ्ठल बोंडे सरपंच शिंदोला गाव ,भारतीय वार्ता चे पत्रकार  श्री  राजू गोरे, रमेश टोंगे, प्रवीण पाल, प्रवीण मेश्राम उपस्थित होते तसेच आजूबाजूच्या गावातील अनेक मान्यवर व शेतकरी सुद्धा खूप संख्येने पथकाच्या भेटी वेळी उपस्थित होते.