मानकी येथे अल्पवयीन बालिके सोबत विनय भंग  आरोपीस तात्काळ अटक

तक्रारीवरून पोलिसांनी आरोपी विरुद्ध कलम 354 भादंवि पोस्को अंतर्गत गुन्हा दाखल करून आरोपीस अटक केली आहे.

वणी :  वणी पोलीस स्टेशन अंतर्गत येणाऱ्या मौजा मानकी येथे एका अल्पवयीन बालिकेचा विनयभंग केल्याची खळबळजनक घटना उघडकीस आली आहे.
प्रकाश अशोक चौधरी (36)रा. मानकी असे आरोपीचे नाव आहे. आज दि.15 जानेवारीला तालुक्यात ग्रामपंचायतींसाठी मतदान सुरु आहेत.सद्या बाहेर गावी असलेल्या  मतदारांन उमेदवारांकडून  मतदानाकरिता गावात आणले जात आहे. आरोपी प्रकाश चौधरी हा सुद्धा बाहेर गावी रहात होता त्याला आज शुक्रवारी मतदान करण्यासाठी गावात आणले होते. त्याने मतदान केले व गावात फेरफटका मारत असतांना  त्याला एक अल्पवयीन मुलगी दिसताच त्या मुलीचा हात पकडून तू खूप सुंदर आहे, असे म्हणून विनयभंग केला. या घटनेची माहिती वणी पोलिसांना मिळताच पोलीस ताबडतोब घटनास्थळी दाखल होऊन आरोपीस तात्काळ ताब्यात घेतले. अत्याचार ग्रस्त मुलीच्या नातेवाईकांच्या तक्रारीवरून पोलिसांनी आरोपी विरुद्ध कलम 354 भादंवि पोस्को  अंतर्गत गुन्हा दाखल करून आरोपीस अटक केली आहे. पुढील तपास सपोनि / मायाताई चाटसे करीत आहे.