जिवती तील बारचालका कडून नियमाचे उल्लंघन बार उशिरा पर्यंत सुरू..!

सय्यद शब्बीर जागीरदार (  तालुका प्रतिनिधी जिवती ) : एप्रिल 2015 रोजी चंद्रपूर जिल्हा दारूबंदी म्हणून घोषित  करण्यात आली होती. त्यानंतर जिल्ह्यामध्ये अवैद्य दारूचे धंदे मोठ्या प्रमाणात सुरू होते. त्या काळामध्ये बरेच लोकांनी उदरनिर्वाहाचे साधन म्हणून दारू विक्री सुरू केली पुरुष, महिला, युवक, लहान मुले पण या अवैध व्यवसायांमध्ये गुंतले होते.अवैध दारूविक्री करणाऱ्यांवर  मोठ्या प्रमाणात गुन्हे दाखल झाले होते. परंतु मदत व पुनर्वसन मंत्री जिल्ह्याचे पालकमंत्री विजयभाऊ वडेट्टीवार यांनी चंन्द्रपुर जिल्ह्यांची दारू बंदी उठवून संपूर्ण जिल्ह्यामध्ये दारू सुरू केली . परंतु येथील बार मालक बार चे सटर लावून रात्री वेळेच्या बाहेर उशिरापर्यंत ग्रहाकांच्या सेवेसाठी बार सुरू ठेवतात.  त्यामुळे पोलीस प्रशासनाने मुख परवानगी तर दिली नसणार अशी शंका व्यक्त केली जात आहे.

महाराष्ट्र शासनाने  कोरोनाविषाणू  प्रादुर्भाव कमी झाल्यामुळे काही जिल्ह्यांमध्ये शिथिलता दिली आहे . परंतु जिवती शहरातील बार मालकाकडून नियमाचे उल्लंघन केले जात असल्याचे खंमग चर्चा सुरू  आहे त्याच बरोबर बार मालकाला पार्सल देण्याची सुविधा नऊ वाजेपर्यंत दिली आहे. बार मालकनी मनमानीचा कळस गाठला आहे. त्यांच्यामुळे परिसरातील जनतेला मोठ्या प्रमाणात त्रास सहन करावा लागत आहे .  विशेष म्हणजे  शहरातील देशी व विदेशी दारू दुकानातून अवैधरित्या पेट्याने विनापरवाना दारू साठा दिल्या जात असल्यामुळे ग्रामीण भागात अवैध दारू विक्री जोमाने केली जात आहे. जिवती पोलिस स्टेशनचे  पोलीस निरीक्षक संतोष अंबिके यांनी काही ठिकाणी अवैध दारू विक्रेत्यांचे मुसक्या आवळले होते चंद्रपूर जिल्हा दारू बंदी उठल्यानंतर पोलीस विभाग स्वस्थ बसले आहेत. तर ग्रामीण भागातील दारू विक्रेते मात्र जोमात कामाला लागले आहेत. जिवती तून देशी व विदेशी दारू ग्रामीण भागामध्ये रात्रीच्या सुमारास पोहोचवली जात असल्याची खंमग चर्चा सुरू असुन पोलिसांनी चौकशी करून देशी- विदेशी दारू पुरवठा करणाऱ्या दुकानदारावर कारवाई करण्यात यावी आणि परवाना रद्द करण्यात यावा अशी मागणी तालुक्यातील जनतेने केली आहे.