संत नामदेव तुकाराम वारकरी परिषदच्या जिल्हाध्यक्षपदी विकास चिडे

मराठा सेवा संघ दिग्रस येथील जिल्हा बैठकीत निवड

भारतीय वार्ता (प्रतिनिधी): संत नामदेव तुकाराम वारकरी परिषदचे महाराष्ट्रप्रदेशध्यक्ष गंगाधर महाराज कुरुंदकर यांच्या सुचनेवरून मराठा सेवा संघ दिग्रस येथील मराठा सेवा संघाच्या आढावा बैठकीत मराठा सेवा संघाचे जिल्हाध्यक्ष दिगांबर जगताप यांनी मारेगांव वणी परिसरातील सप्तखंजेरीवादक विकास चिडे गुरुजी यांची संत नामदेव तुकाराम वारकरी परिषदेच्या यवतमाळ जिल्हाध्यक्षपदी नियुक्ती केली.
           

       विकास चिडे यांनी आपल्या विकासवाणी या कार्यक्रमातून यवतमाळ जिल्हा सह महाराष्ट्राच्या बहुतांष भागात संताचे मानवतावादी विचाराचा प्रसार केला, त्यांच्या  कार्याची दखल घेत, मराठा सेवा संघ दिग्रस येथे झालेल्या जिजाऊ भवन येथील जिल्हा आढावा बैठकीत मान्यवराच्या उपस्थित विकास चिडे गुरुजीची संत नामदेव तुकाराम वारकरी परिषदच जिल्हाध्यक्ष पदी निवड करण्यात आली.
 यावेळी मसेस जिल्हाध्यक्ष दिगांबर जगताप, सचिव सुरेश कदम,  जिल्हा कार्याध्यक्ष सुनिल कडू, दिग्रस येथील मराठा सेवा संघ अध्यक्ष अशोक तायडे, जिल्हा कार्याध्यक्ष अनंत मांडवकर, प्रमुख अतिथी सुधीर देशमुख, उपस्थित होते, कार्यक्रमाचे सुत्रसंचालन गिरिष साबळे यांनी केले तर आभार सदानंद देशमुख यांनी केले, या बैठकीला जिल्हाभरातून पदाधिकारी उपस्थित होते.