*धानाच्या चुकार्‍याचे मिळालेले पैसे हरविले अखेर झिगांनूर पोलीसांच्या मदतीने परत मिळाले*

*धानाच्या चुकार्‍याचे मिळालेले पैसे हरविले अखेर झिगांनूर पोलीसांच्या मदतीने परत मिळाले*

✍️मुनिश्वर बोरकर गडचिरोली .

झिंगानूर:-उपपोलीस स्टेशन झिंगानूर हद्दीत येणारा मंगीगुडम या गावातील सुभाष पेन्टा गावडे, या व्यक्तीचे वर्षभरापासून मेहनत करून पिकविलेल्या धानाची विक्री करून जमा झालेले तीस हजार रुपये रंगय्यापल्ली येथून घेऊन झिंगानूर मध्ये आल्यानंतर बाजार करे पर्यंत झिंगानूर मध्ये तीस हजार रुपये ठेवलेली पिशवी हरवली. सदर व्यक्तीने शोध घेऊन सुध्दा पैसे मिळून येत नसल्याने पत्नी व मुला बाळांसह. पो स्टे ला येऊन घडलेला सर्व प्रकार सांगुन रडू लागले. तेंव्हा सामाजीक कार्यकर्ता रामचंद्र कुमरी यांनी धीर देऊन त्यांना पैसे मिळून देऊ असे आश्वासन दिले आणि सदर व्यक्ती खरे बोलत असल्याची खात्री करून पो. उप.नि राहुल घुले, पो उप नि मारोती नंदे, पो उप नि अभिजित घोरपडे व पो शि./ दीपक सडमेक. असे झिंगानूर मधील सर्व गोपनीय बातमीदार यांच्या मदतीने सुभाष गावडे हा ज्या ज्या ठिकाणी गेले तिथे कसोशीने चौकशी करून मोठ्या शिताफीने ज्या व्यक्तीला पैसे सापडले त्याचा शोध घेऊन सदर व्यक्तीचे पैसे त्यांना परत करण्यात आले तेंव्हा त्याची पत्नी व मुले बाळ यांच्या चेहऱ्यावर आनंद ओसंडून वाहत होता. कारण या पैश्यात त्यांचे एक वर्षाचे राशन पाणी घ्यायचे होते. आणि जर पैसे मिळाले नसते तर त्यांचा कुटुंबांवर उपास मारीची वेळ आली असती. त्यामुळे सुभाष गावडे. व त्याच्या कुटुंबाने झिंगानूर उप. पो. स्टेशन. च्या सर्व अधिकार व अंमलदार यांचे आभार मानले. तरी झिंगानूर उप पो स्टेशन हद्दीतील नागरिकांनी धान्य विक्री करून मिळणाऱ्या पैसे बँकेतून घेऊन येताना गोपनीयता बाळगावी असे आवाहन शेतकऱ्यांना करण्यात आली.