*तिळगुळ घ्या , गोडगोड बोला व आमच्या मागण्या मान्य करा. अंगणवाडी कर्मचार्‍यांचे अनोखे आंदोलन*

*तिळगुळ घ्या , गोडगोड बोला व आमच्या मागण्या मान्य करा. अंगणवाडी कर्मचार्‍यांचे अनोखे आंदोलन*

✍️मुनिश्चर बोरकर

    गडचिरोली

गडचिरोली:- अंगणवाडी कर्मचार्‍यांचा आज दि. १७ जानेवारी ४४ दिवसाचा आंदोलन जिल्हा परिषद गडचिरोली समोर सुरू असुन आज अंगणवाडी कर्मचार्‍यानी अनोखा आंदोलन केले. तिळगुळ घ्या , गोड - गोड बोला व आमच्या मागण्या पूर्ण करा म्हणत जिल्हा परिषदेच्या सर्व कर्मचार्‍यांना तिळगुळ वाटप करून आमच्या मागण्या पूर्ण करा म्हणुन मुख्य कार्यपालन अधिकारी जिल्हा परिषद गडचिरोली यांना निवेदन दिले . यावेळी संघटनेचे अध्यक्ष देवराव चवळे , राधा ठाकरे , शैल पठाण , ज्योती कोमलवार , मिनाक्षी झोडे , रेखा जांभुळे  नंदिता चन्ने, प्रतिज्ञा  रुपाली क्षिरसागर  अल्का कुकडकर, रुपाली पेंदाम , ज्योती कोल्हापूरे , कुंदा बनकर , अंकिता अधिकारी , रेखा सादारे , शिवलता बावनखडे आदि प्रमुख अंगणवाडी सेविका उपस्थित होत्या. ग्राज्युएटी बाबत अंतिम निर्णयाची अंमलबजावणी करणे , मिनि अंगणवाडी केंद्राचे नियमित अंगणवाडी केंद्रात रुपांतर करणे , आहाराचा दर ८ रुपये वरुन १६ रुपये करण्यात यावा. कर्मचार्‍यांना रजा सवलती , आजारपणाच्या रजा देऊन मेडीकल बिलाची तरतुद करावी . सेवानिवृत् कर्मचार्‍याना एकतर्फी लाभ देण्यात यावा. आदि मागण्या साठी आयटकचे कर्मचारी ४४ दिवसा पासून उपोषण करीत असुन जोपर्यंत आमच्या मागण्या पुर्ण होत नाही तोपर्यंत आम्ही उपोषण सोडणार नाही असे आयटकच्या कर्मचार्‍यांचे म्हणणे आहे.