प्रा.डॉ. नोमेश मेश्राम यांच्या कवितासंग्रहाला मराठी साहित्य मंडळाचा राज्यस्तरीय पुरस्कार जाहीर

प्रा.डॉ. नोमेश मेश्राम यांच्या कवितासंग्रहाला मराठी साहित्य मंडळाचा राज्यस्तरीय पुरस्कार जाहीर*

✍️मुनिश्चर बोरकर

   गडचिरोली

    गडचिरोली:-विदर्भातील प्रसिद्ध कवी व गझलकार प्रा.डॉ. नोमेश नारायण मेश्राम यांच्या राजहंस प्रकाशन पुणे या महाराष्ट्रातील मातब्बर प्रकाशन संस्थेतर्फे जुलै २०२३ मध्ये प्रकाशित 'रक्तफुलांचे ताटवे' या कवितासंग्रहाला अखिल भारतीय मराठी साहित्य मंडळ ठाणेचा प्रतिष्ठेचा राज्यस्तरीय सावित्रीबाई फुले साहित्यभूषण पुरस्कार २०२३ जाहीर झाला आहे. ठाणे येथील प्रसिद्ध मराठी साहित्य मंडळाच्या वतीने दरवर्षी राज्यातील उत्कृष्ट काव्यसंग्रहाला हा पुरस्कार दिला जातो.साहित्य परीक्षण समितीने ४६५ पुस्तकांतून प्रा.डॉ. नोमेश  नारायण मेश्राम यांच्या कवितासंग्रहाची निवड केल्याचे संयोजन समितीने कळविले आहे. रविवार दि.२५  फेब्रुवारीला अखिल भारतीय  मराठी साहित्य मंडळाच्या साहित्य संमेलनात त्यांना  हा पुरस्कार प्रदान करण्यात येणार आहे.ब्रम्हपुरी येथे वास्तव्यास असलेले प्रा.डॉ. नोमेश नारायण मेश्राम हे आरमोरीच्या महात्मा गांधी महाविद्यालयात इंग्रजी विषयाचे विभागप्रमुख आहेत. त्यांच्या 'रक्तफुलांचे ताटवे' या कवितासंग्रहाला  सलग पाचवा राज्यस्तरीय साहित्य पुरस्कार मिळाला असून शेगाव येथील स्व.बाबुराव पेटकर काव्य सन्मान,नागपूर येथील साहित्यविहार संस्थेचा राज्यस्तरीय उत्कृष्ट काव्यसंग्रह पुरस्कार,मुक्ताईनगर जळगाव येथील उज्जैनकर फाउंडेशनचा तापी पूर्णा राज्यस्तरीय साहित्य पुरस्कार,आर्वी येथील देवकाई राज्यस्तरीय काव्य पुरस्कार हे प्रतिष्ठेचे पुरस्कार प्राप्त झाले आहेत.