*सुरजागड लोह खनीजाचे समर्थन करीत असल्याचा ठपका ठेवून नक्षल्यांनी लालसु वेळदा यांची हत्या केली*

*सुरजागड लोह खनीजाचे समर्थन करीत असल्याचा ठपका ठेवून नक्षल्यांनी लालसु वेळदा यांची हत्या केली*

✍️मुनिश्वर बोरकर

   गडचिरोली

गडचिरोली:-सुरजागड लोह खनीजाचे समर्थन करीत असल्याचा ठपका ठेवून एटापल्ली तालुक्यातील टिटोडा गावचे पोलीस पाटिल लालसु वेळदा वय ६० यांची दि. 23 नोव्हेंबरच्या चे रात्रौ नक्षल्यानी गोळी झाडून हत्या केली. १५ दिवसापूर्वी याच तालुक्यातील एका व्यक्तीला नक्षल्यांनी ठार केले होते त्यामुळे सदर परिसरात दहशतीचे वातावरण पसरले आहे. २० -२५ च्या नक्षली समुह रात्रौ टिटोला गावात जावून लालसु याला झोपेतून उठवून गावाबाहेर घेवून गेले व त्यांच्या मानेवार गोळी झाडून हत्या केली. लालसु यांचा मुलगा पोलीस मुख्यालय अहेरी येथे C 60 मधे कार्यरत असल्याचे कळते. सदर परिसरातील पोलीस पाटिल  मुखीया , पाटिल आदि सुरजागड लोह खनीजला विरोध न करता सहकार्य करतात व आपल्या मुलांना पोलीसात भरती करतात अश्या प्रकारचे पत्र नक्षलवादी कडून लिहले होते. लालसु यांचे प्रेत जांभीया गट्टा मार्गावर गावाच्या सिमेवर टाकले होते. घटनेची माहीत मिळताच हेडरी पोलिसांनी पंचनामा करुन लालसु यांचे प्रेत शवविच्छेदना करीता ग्रामीण रुग्णालय एटापल्ली येथे पाठविण्यात आले. अतिरिक्त पोलीस अधिक्षक आतिश देशमुख यांच्या मार्गदर्शनाखाली अधिक तपास सुरु आहे. गेल्या १५ दिवसापूर्वी याच भागातील दिनेश गावडे यांची नक्षल्यांनी हत्या केली होती. नक्षलवादी पुन्हा डोके वर काढीत आहेत असे म्हणायला काही हरकत नाही.