*अंगणवाडी सेविकांनी घेतले जादूटोणाविरोधी कायद्याचे प्रशिक्षण.*

*अंगणवाडी सेविकांनी घेतले जादूटोणाविरोधी कायद्याचे  प्रशिक्षण.*

✍️मुनिश्वर बोरकर

    गडचिरोली

गडचिरोली:-जिल्हाधिकारी व मुख्य कार्यपालन अधिकारी नागपूर यांच्या आदेशानुसार महिला व बालकल्याण विभागाने अंगणवाडी सेविकांसाठी  जादूटोणाविरोधी कायदा पहिले प्रशिक्षण कार्यक्रम  कामठी पंचायत समिती च्या सभागृहात आयोजित केले होते .त्यासाठी शासनाने महा.अनिस चे राज्य कार्यकारिणी सदस्य रामभाऊ डोंगरे यांना जिल्ह्यातील सर्वच अंगणवाडी सेविकांना क्रमाक्रमाने  प्रशिक्षण देऊन समाजात जादूटोणाविरोधी कायदा व अंधश्रद्धा निर्मूलन संदर्भात जनजागृती करण्याचे आवाहन केले . त्यामुळे पहिल्याच प्रशिक्षण कार्यक्रमाला अंगणवाडी सेविकांनी प्रचंड गर्दी केली होती.दुर दुरच्या खेड्या पाड्यातून आलेल्या तब्बल 119 अंगणवाडी सेविकांनी सभागृह खचाखच भरलेला होता. जिल्हा कार्याध्यक्ष चित्तरंजन चौरे यांनी संविधान प्रास्ताविका उपस्थितांच्या तोंडी वदवून कार्यक्रमाची शुरुवात केली. देवानंद बडगे यांनी चळवळीचे ' विज्ञान गीत ' सादर करुन कार्यक्रमात रंगत आणली.त्यानंतर रा.का सदस्य रामभाऊ डोंगरे यांनी कार्यक्रमाची प्रस्तावना सादर केली .या प्रसंगी जादुटोणा विरोधी कायदा म्हणजे काय,तो  कसा लागू होतो, कायद्याचे प्रावधान व कलमें काय ,याचे सविस्तर प्रशिक्षण चित्रपोस्टर सहीत चित्तरंजन चौरे जिल्हा कार्याध्यक्ष यांनी समजावून सांगितले.त्यानंतर जादुटोणा चे प्रत्यक्ष चमत्कार सादरीकरण उ.ना शाखेचे कार्याध्यक्ष देवानंद बडगे व रामभाऊ डोंगरे यांनी संयुक्तपणे सादर केले ,तेव्हा अंगणवाडी सेविका अक्षरशः भारावून गेल्या होत्या. प्रत्येकांनी सदर प्रयोगा मागील खरं विज्ञान समजून घेतलं व आपापल्या कार्यक्षेत्रात जादूटोणाविरोधी कायद्याचा प्रचार व अंधश्रद्धा निर्मूलन करण्याचा निर्धारच केला. अंधश्रद्धा निर्मूलना बाबतीत उपस्थितांच्या सर्व  प्रश्नांचे निराकरण रामभाऊ डोंगरे यांनी केले.कार्यक्रमाला पर्यवेक्षिका वैशाली खोत, माधुरी कोल्हे, तेजल रच्छोरे, तसेच जिल्हा प्रधान सचिव कल्पना लोखंडे , सा. का.अशोक राऊत उपस्थित होते. " मानसाने मानसाशी मानसासम वागणे" या सामुहिक प्रार्थनेने कार्यक्रमाची सांगता झाली.संचालन चित्तरंजन चौरे तर  आभार माधुरी कोल्हे यांनी मानले.