*२८६ गावे पेसा क्षेत्रातून वगळणार. ओबिसीचा फायदा !*

*२८६ गावे पेसा क्षेत्रातून वगळणार. ओबिसीचा फायदा !*

✍️मुनिश्वर बोरकर

   गडचिरोली

गडचिरोली:-I985 च्या कायद्यानुसार अनुसुचित क्षेत्राच्या पुनर्रचनेत गडचिरोली जिल्ह्यात १६८१ पैकी तब्बल 14 o7 गावे पेसा क्षेत्रात टाकली होती. त्यामुळे ओबिसी समाजावर अन्याय झाला होता. परंतु आता २४८ गावात आदिवासीची लोकसंख्या नगण्य आढळून आली असुन ती गावे आता पेसा क्षेत्रातून वगळण्यात येणार असल्याची माहिती पत्रकार परिषदेत आमदार डॉ. देवराव होळी यांनी दिली.राज्य आदिवासी सल्लागार समितीची बैठक मुख्यमंत्री एकनाथ शिंदे यांच्या अध्यक्षतेखाली तर उपमुख्यमंत्री देवेंद्र फडणवीस, उपमुख्यमंत्री अजित पवार यांच्या उपस्थितीत पार पडली. यात अनेक जिल्ह्याचे लोकप्रतिनिधीनी शासनाकडे तसा अहवाल सादर केला. अनेक गावे आदिवासी क्षेत्रात नसुन ते पेसा क्षेत्रात येत आहेत. त्यामुळे ओबिसी समाजाचे आरक्षण हिरावल्या जात आहेत. हि बाब शासनाकडे पाठपुराव्या सहीत सादर केली. प्रशासनाने सर्व विभागाचा अहवाल घेऊन अनुसुचित क्षेत्राची पुनर्रचना केली जाणार आहे. यात गडचिरोली जिल्हयातील २८६ गावे पेसा क्षेत्रातून वगळल्या जाणार आहेत. तर २१ गावे पुन्हा पेसा क्षेत्रात समाविष्ठ केल्या जाणार आहेत. राज्याचे आदिवासी विकास मंत्री विजयकुमार गावित हे २८ ऑक्टोबरला गडचिरोली जिल्ह्याच्या दौर्‍यावर येत आहेत. तेव्हा ज्यांना हरकती सादर करावयाच्या असतील त्यांनी येऊन गावित साहेबांची भेट घ्यावी अशी माहीतीही आमदार डॉ. देवराव होळी यांनी पत्रकार परिषदेत दिली. पत्रकार परिषदेला जिल्हाधक्ष प्रशांत वाघरे , जिल्हा महासचिव प्रमोद पिपरे , आदिवासी नेते प्रकाश गेडाम ' माजी नगराध्यक्षा योगीता पिपरे , महिला जिल्हयाध्यक्क्षा गिता ताई हिंगे , उपाध्यक्ष प्रणय खुणे , माजी सभापती मारोती ईचोडकर , माजी उपसभापती विलास दशमुखे , मधुकर भांडेकर आदिची उपस्थिती होती.