*विषबाधा करून एकाच कुटुंबांतील ५ व्यक्तीना दोघींनी संपविले*

*विषबाधा करून एकाच कुटुंबांतील ५ व्यक्तीना दोघींनी संपविले*

✍️मुनिश्वर बोरकर

   गडचिरोली

गडचिरोली:-अहेरी तालुक्यातील जवळच असलेल्या महागांव गावातील शंकर कुंभारे सहीत अन्य चार व्यक्तीना विषबाधा करून त्यांचे जिवन दोन महिलांनी संपविले. या पाच मृत्युचे रहस्य उघडकीस आणण्यात गडचिरोली पोलीसांना अखेर यश आले. दि. २०/९ ला शंकर कुंभारे व त्यांची पत्नी विजया कुंभारे याची प्रकृती बिघडल्यामुळे त्यांना नागपूर येथील खाजगी दवाखान्यात भरती करण्यात आले होते. परंतु त्या दोघांचाही मृत्यू झाला. गडअहेरी येथील त्यांची मुलगी कोमल दहागावकर' मुलगा रोशन कुंभारे , शंकरची साली वर्षा उराडे यांची प्रकृती बिघडली तेव्हा तिघांनाही वेगवेगळ्या दवाखाण्यात भरती करण्यात आले होते. परंतु हे तिघेही लागोपाठ मृत्युमुखी पडले. तर अन्य तिघे नातेवाईक व ड्रायव्हरला सुद्धा विषबाधा झाला होता परंतु त्यांची प्रकृती संध्या ठिक आहे. एकाच कुटुंबातील पाचही व्यक्ती मृत्युमुखी पडले कारण काय असावे या मृत्युचे गुढ बाबत जिल्हा पोलीस अधिक्षक निलोत्पल यांनी अप्पर पोलीस अहेरी अतिस देशमुख , उपविभागीय पो. अधिकारी सुदर्शन राठोड' पो. निरिक्षक मनोज काळ बांधे , आदिवर जबाबदारी सोपविली. चौकशीचे चक्र वेगाने फिरले व शंकर कुंभारे यांची सुन संघमित्रा कुंभारे , साल्याची पत्नी रोझा रामटेके ह्या गुन्हात सक्रिय सहभागअसल्याचे निदर्शनास आले. त्यांनी जमीनीचा वादात खाण्यात व पिण्याच्या पाण्यात स्लो पायझन दिल्यामुळे त्या पाचही जनाचा जिव गेला. त्या दोघीवर गुन्हा दाखल करून पुन्हा या गुन्ह्यात अधिक सहभागी आहेत काय याचा शोध सुरु असल्याची माहिती जिल्हा पोलीस अधिक्षक निलोत्पल यांनी पत्रकार परिषदेत दिली.