*कि. न .महाविद्यालयात पदवी प्रदान सोहळा संपन्न!!*

*कि. न .महाविद्यालयात पदवी प्रदान सोहळा संपन्न!!*

*वाशिम जिल्हा प्रतिनिधी:दामोदर जोंधळेकर*

*कारंजा(लाड)* : स्थानिक कारंजा येथील श्री किसनलाल नथमल गोयनका कला वाणिज्य महाविद्यालयात शुक्रवार दिनांक २५ ऑगस्ट २०२३ रोजी संत गाडगेबाबा अमरावती विद्यापीठाच्या उन्हाळी २०२२ परीक्षा उत्तीर्ण विद्यार्थ्यांचा पदवी प्रदान सोहळा आयोजित करण्यात आला.

दि बेरार एज्युकेशन सोसायटीचे अध्यक्ष ॲड. मोतिसिंह मोहता, सचिव पवन माहेश्वरी, कार्यकारिणी सदस्य डॉ. अजय कांत यांच्या मार्गदर्शनाखाली आयोजित या कार्यक्रमाच्या अध्यक्षस्थानी महाविद्यालयाचे प्राचार्य डॉ. विनय कोडापे तर प्रमुख मार्गदर्शक म्हणून जे. सी. चवरे विद्यामंदिर शाळेचे मुख्याध्यापक श्रीनिवास जोशी उपस्थित होते. यावेळी मंचावर मानव्य विद्या शाखा समन्वयक प्रा. डॉ. प्रदीप येवले व वाणिज्य विभाग समन्वयक प्रा. डॉ. दिनेश रघुवंशी प्रामुख्याने उपस्थित होते. मान्यवरांच्या हस्ते दीप प्रज्वलन करून व विद्यापीठ गीताने कार्यक्रमाची सुरुवात करण्यात आली. पाहुण्यांचे स्वागत प्रा. डॉ. सुनील राठोड, प्रा. ओंकार पवार व प्रा. घननीळ गजभिये यांनी केले.

मान्यवरांच्या हस्ते एम. ए. इतिहास व गृह अर्थशास्त्र विभाग तसेच बी.ए. व बी.कॉम. पदवी प्राप्त विद्यार्थ्यांना पदवी प्रदान करण्यात आली. विद्यापीठाच्या गुणवत्ता यादीत स्थान प्राप्त करणार्या विद्यार्थ्यांचा यावेळी विशेष सत्कार करण्यात आला.

आपल्या मार्गदर्शनात श्रीनिवास जोशी यांनी पदवीचा उपयोग स्वतः सोबतच समाज व देशाच्या प्रगतीसाठी केला पाहिजे अशी अपेक्षा व्यक्त केली. आपल्यातील कौशल्य ओळखून, अधिकाधिक ज्ञान ग्रहण करण्याचा प्रयत्न करण्याचे आवाहन जोशी यांनी केले. अध्यक्षीय मनोगतातून डॉ. विनय कोडापे यांनी आपल्या गुरुपेक्षाही आपलं नाव मोठे करण्यासाठी परिश्रम करण्याचे आवाहन केले. त्यांनी आपल्या जीवनातील अनेक उदाहरणे देऊन विद्यार्थ्यांना प्रोत्साहित केले.

वाणिज्य शाखेतील पदवीधरांच्या नावाचं वाचन डॉ. दिनेश रघुवंशी यांनी तर कला शाखेतील पदवीधरांच्या नावाचं वाचन डॉ. प्रदीप येवले यांनी केले. संचालन प्रा. डॉ. किरण वाघमारे यांनी तर आभार प्रा. घननीळ गजभिये यांनी मानले. कार्यक्रमाची सांगता राष्ट्रगीताने झाली. कार्यक्रमाला प्राध्यापक वृंद, शिक्षकेत्तर कर्मचारी व विद्यार्थी मोठ्या संख्येने उपस्थित होते.