*राष्ट्रीय ओबीसी महासंघाच्या वतीने ना. विजय वडेट्टीवार यांचा सत्कार*

*राष्ट्रीय ओबीसी महासंघाच्या वतीने ना. विजय  वडेट्टीवार यांचा सत्कार*

✍️मुनिश्वर बोरकर

   गडचिरोली

गडचिरोली:-  महाराष्ट्र विधानसभेच्या विरोधी पक्षनेतेपदी दुसऱ्यांदा निवड झाल्याबद्दल ओबीसी नेते नामदार विजय वडेट्टीवार यांचा राष्ट्रीय ओबीसी महासंघ जिल्हा गडचिरोलीच्या वतीने पुष्पगुच्छ देऊन सत्कार करण्यात आला. यावेळी सत्कार करताना राष्ट्रीय ओबीसी महासंघाचे राष्ट्रीय उपाध्यक्ष प्रा. शेषराव येलेकर जिल्हाध्यक्ष दादाजी चुधरी, जिल्हा संघटक सुरेश भांडेकर, चंद्रकांत शिवणकर, मार्गदर्शक दादाजी चापले उपस्थित होते ना. विजय वडेट्टीवार यांनी महाविकास आघाडी सरकारमध्ये ओबीसी बहुजन कल्याण मंत्री असताना महाराष्ट्र शासनाने 1997 व 2002 च्या शासन निर्णयानुसार गडचिरोली जिल्ह्यातील ओबीसींचे वर्ग 3 व 4 च्या नोकर भरतीतील कमी केलेले आरक्षण 17 टक्के पर्यंत वाढवण्यासाठी मोलाची कामगिरी केली होती. तसेच ओबीसींचे इतर प्रश्न सोडवण्यासाठी सुद्धा त्यांनी प्रयत्न केले होते.

 यावेळी ओबीसींच्या प्रश्नासाठी मी सदैव लढत राहणार असल्याचे आश्वासन त्यांनी ओबीसी शिष्टमंडळाला दिले.