*अण्णाभाऊ साठेंना भारतरत्नासह ज्ञानपीठ* *पुरस्काराची पीपल्स रिपब्लिकन पार्टीची मागणी राज्यभरातून शेकडो निवेदन प्रधानमंत्री यांना सादर- चरणदास इंगोले*

*अण्णाभाऊ साठेंना भारतरत्नासह ज्ञानपीठ*

*पुरस्काराची पीपल्स रिपब्लिकन पार्टीची मागणी

राज्यभरातून शेकडो निवेदन प्रधानमंत्री यांना सादर-

चरणदास इंगोले*

✍️मुनिश्वर बोरकर

    गडचिरोली

गडचिरोली:-संयुक्त महाराष्ट्राच्या चळवळी मध्ये भूतपूर्व योगदान देऊन आपल्या अनमोल लेखन साहित्या द्वारे समाज परिवर्तनवादी व राष्ट्र व समाजवादी विचार  जनमानसात रुजवणारे कॉम्रेड लोकशाहीर अण्णाभाऊ साठे यांना भारतरत्न सह ज्ञानपीठ पुरस्कार देण्यात यावा अशी मागणी माजी खासदार प्रा जोगेंद्र कवाडे सर यांच्या नेतृत्वाखालील पीपल्स रिपब्लिकन पार्टी द्वारा करण्यात आली असून भारत सरकारचे लक्ष वेधण्यासाठी पक्षाच्या वतीने राज्यभरातून माननीय प्रधानमंत्री भारत सरकार यांच्याकडे 1 ऑगस्ट रोजी शेकडो निवेदन पाठविण्यात आली असल्याची माहिती पीपल्स रिपब्लिकन पार्टीचे महाराष्ट्र प्रदेश कार्याध्यक्ष चरणदास इंगोले यांनी दिली आहे

अण्णाभाऊ साठे यांच्या 103 व्या जयंतीचे औचित्य साधून अण्णाभाऊंना भारतरत्न सह ज्ञानपीठ पुरस्काराची मागणी पीपल्स रिपब्लिकन पार्टी द्वारा करण्यात आली आहे. त्या पार्श्वभूमीवर 1 ऑगस्ट 2023 रोजी राज्यातील सर्व जिल्हाधिकारी व तहसील कार्यालयामार्फत माननीय प्रधानमंत्री भारत सरकार कडे वरील मागणी करीत असताना पक्षाच्या वतीने सादर केल्या गेलेल्या निवेदनामध्ये प्रामुख्याने नमूद करण्यात आले आहे की,

लेखक साहित्यिक शाहीर कथा कादंबरीकार आणि साहित्य क्षेत्रात नवक्रांती घडून आणणारे  म्हणून त्यांना जगभर ओळखल्या जाते. साहित्य क्षेत्रातील त्यांचे उल्लेखनीय उत्तुंग असे परिवर्तनवादी कार्य लक्षात घेता साहित्यरत्न अण्णाभाऊ साठे या महाराष्ट्राच्या थोर सुपुत्रास भारतरत्नासह भारत सरकारकडून साहित्य क्षेत्रात दिल्या जाणारा सर्वोच्च असा ज्ञानपीठ पुरस्कार देऊन त्यांना गौरविण्यात यावे अशी मागणी पीपल्स रिपब्लिकन पार्टीच्या वतीने प्रधानमंत्री यांना सादर करण्यात आलेल्या शेकडो निवेदनाच्या माध्यमातून करण्यात आली असल्याचे पक्षाचे प्रदेश कार्याध्यक्ष चरणदास इंगोले यांनी म्हटले आहे.