*अमृत भारत वडसा रेल्वे स्टेशनचे उदघाटन थाटात संपन्न*

*अमृत भारत वडसा रेल्वे स्टेशनचे उदघाटन थाटात संपन्न*

✍️प्रा.मुनिश्वर बोरकर

    गडचिरोली

गडचिरोली:-स्मार्ट सिटी प्रमाणे भारतात आता अमृत भारत रेल्वे योजने अंतर्गत भारताचे पंतप्रधान नरेंद्रजी मोदी यांच्या संकल्पनेतून भारतात ५०८ अमृत भारत रेल्वे स्टेशनचे उदघाटन पंतप्रधान नरेंद्रजी मोदी यांचे हस्ते ऑन लाईन पद्धतीने पार पडले. महाराष्ट्रातील ५० अमृत भारत रेल्वे स्टेशन मधे चिमुर लोकसभा निर्वाचन क्षेत्राचे भाजपाचे खासदार अशोक नेते यांच्या लोकसभा निर्वाचन क्षेत्रातील वडसा- देसाईगंज व आमगांव रेल्वे स्टेशन चे उदघाटन पंतप्रधानाचा हस्ते पार पडले. ऑनलाईन पद्धतीने उदघाटन करताना पंतप्रधान नरेंद्रजी मोदी म्हणाले की आपण परदेशात जावून स्मार्ट रेल्वे स्टेशन बघत होतो. आता आपण भारतातच स्मार्ट रेल्वे स्टेशन बनविणार आहोत. देश प्रगतीपथावर कसा जाईल 'देशाचा विकास कसा होईल याकडे आमच्या सरकारचे लक्ष आहे. भारतातील प्रत्येक जिल्ह्यात रेल्वे चे जाळे पसरवू असेही पंतप्रधान आपल्या भाषणात सांगितले. अमृत भारत रेल्वे स्टेशन वडसा च्या उदघाटनाप्रसंगी खासदार अशोक नेते ' भाजपाचे आमदार कृष्णा गजबे, रेल्वे प्रबंधक सुर्यवंशी वडसा  भाजपाचे माजी अध्यक्ष किसन नागदेवे , मोतीलाल कुकरेजा. प्रमोदजी पिपरे आदी लाभले होते. अमृत भारत रेल्वे स्टेशन वडसाचे उदघाटनाप्रसंगी तोबा गर्दी होती.