*लोकशाहीर अण्णाभाऊ साठे यांचे मागासवर्गीय समाजासाठी केलेले कार्य प्रेरणादायी-आमदार डॉ देवराव होळी* *चामोर्शी येथे मादगी समाज संघटनेच्या वतीने लोकशाहीर अण्णाभाऊ साठे यांची जयंती साजरी*

*लोकशाहीर अण्णाभाऊ साठे यांचे मागासवर्गीय समाजासाठी केलेले कार्य प्रेरणादायी-आमदार डॉ देवराव होळी*

 *चामोर्शी येथे मादगी समाज संघटनेच्या वतीने लोकशाहीर अण्णाभाऊ साठे यांची जयंती साजरी*

✍️मुनिश्वर बोरकर

    गडचिरोली

  गडचिरोली:-  दिनांक 1 ऑगस्ट मंगळवारी लोकशाहीर अण्णाभाऊ साठे यांच्या जयंतीनिमित्त मादगी समाज संघटना चामोर्शी यांच्या वतीने कार्यक्रम आयोजीत करण्यात आला. या कार्यक्रमात गडचिरोली विधानसभा क्षेत्राचे आमदार डॉ. देवराव होळी यांची प्रमुख उपस्थिती होती. त्यांनी लोक शाहीर अण्णाभाऊ साठे यांच्या प्रतिमेला माल्यार्पण केले.या कार्यक्रमात बोलताना आमदार डॉ. होळी यांनी अण्णाभाऊ साठे यांच्या जीवनकार्यावर प्रकाश टाकला. लोकशाहीर अण्णाभाऊ साठे यांनी दलीत व मागासवर्गीय समाजाला मुख्य प्रवाहात आणण्यासाठी समाजसुधारणेचे व्रत हाती घेतले. तळागाळातील दलीत व मागास वर्गीय समाजाच्या शोषणाविरुद्ध त्यांनी आवाज बुलंद केला. कामगार वर्गाच्या हक्काची लढाई त्यानी लढली. आणि समाजप्रबोधनात स्वतःला वाहून घेतले त्यांचें कार्य आम्हा सर्वासाठी प्रेरणादायी असून त्यांच्या विचारांनीच समाजात दलीत मागासवर्गीय व कामगारांना न्याय मिळू शकेल असे प्रतिपादन त्यांनी केले. या कार्यक्रमाप्रसंगी चामोर्शी नगरपंचायत चे उपाध्यक्ष चंद्रकांत जी बुरांडे, महीला बालकल्याण सभापती गीताताई सोरते, उपसभापती स्नेहाताई सातपुते, नगरसेविका प्रेमाताई आईंचवार,मार्गदर्शक  धर्मराव तानादू, भाजप तालुकाध्यक्ष दिलीपजी चलाख, मादगी समाज संघटनेचे अध्यक्ष लक्ष्मण रामटेके, आबाजी दासरवार तथा समाज बांधव मोठ्या प्रमाणावर उपस्थीत होते