*मध्यप्रदेशातील प्रवेश शुक्ला याच्यावर कठोर कारवाई करण्यात यावी* *अखिल भारतीय आदिवासी विकास परिषद गडचिरोलीची मागणी*

*मध्यप्रदेशातील प्रवेश शुक्ला याच्यावर कठोर कारवाई करण्यात यावी*

अखिल भारतीय आदिवासी विकास परिषद गडचिरोलीची मागणी

✍️मुनिश्वर बोरकर

  गडचिरोली

गडचिरोली:- मध्यप्रदेशातील प्रवेश शुक्ला हा एक भाजपाचा नेता असून याने एका गरीब आदिवासी व्यक्तीचा तोंडावर लघवी केली आहे या प्रकरणी प्रवेश शुक्ला याच्यावर कठोर कारवाई करण्यात यावी अशी मागणी अखिल भारतीय आदिवासी विकास परिषद, गडचिरोली यांनी जिल्हाधकाऱ्यांमार्फत मा.महामहीम राष्ट्रपती मॅडम, मा. राज्यपाल, केंद्रीय आदिवासी विकास मंत्री यांना दिलेल्या निवेदनात केली आहे.

दिलेल्या निवेदनात म्हटले आहे की दोन दिवसापूर्वी प्रवेश शुक्ला याचा मद्यधुंद अवस्थेत एका आदिवासी व्यक्तीचा तोंडावर लघुशंका करतानाचा व्हिडीओ व्हायरल झाला आहे. यात तो मद्यधुंद अवस्थेत धूम्रपान करत लघवी करत आहे. हि घटना लाजिरवाणी असून अत्यंत निंदनीय आहे. एकीकडे भाजपचे नेते आदिवासींच्या हिताच्या दृष्टीने आम्ही कामे करत आहोत असे म्हणतात व दुसरीकडे गरीब आदिवासी व्यक्तीवर लघुशंका करुन आदिवासींचा अपमान करीत आहेत. सदर प्रकरण लक्षात घेऊन शुक्ला या भाजप नेत्यावर अनुसूचित जाती-जमाती अत्याचार प्रतिबंधक कायद्याच्या तरतुदी नुसार कठोर कारवाई करण्यात यावी अशी मागणी

अ.भा.आ.वि.परिषद च्या वतीने निवेदनातून केली आहे.

यावेळी अखिल भारतीय आदिवासी विकास परिषद युवा जिल्हाध्यक्ष कुणाल कोवे,मिडिया जिल्हाध्यक्ष रुपेश सलामे, राज डोंगरे यांच्यासह इतर कार्यकर्ते उपस्थित होते.