मारकबोडी - डोगरगांव शेतकर्‍यांचा टाहो. नियमित कर्ज भरूनही लाभ नाही.

मारकबोडी - डोगरगांव शेतकर्‍यांचा टाहो.

नियमित कर्ज भरूनही लाभ नाही.

✍️मुनिश्वर बोरकर

  गडचिरोली

गडचिरोली :- गडचिरोली तालुक्यातील येवली सर्कल मधील मारकबोडी - डोंगरगांव च्या शेतकऱ्यानी नियमीत कर्ज भरूनही शेतकरी पोत्साहन लाभापासुन वंचित असुन प्रोत्साहन लाभ मिळावा यासाठी सदर शेतकरी टाहो फोडत आहेत. डोंगरगाव सेवा सहकारी संस्था कडून मारकबोडी _ डोंगरगाव च्या अनेक शेतकऱ्यांनी अर्ज भरला होता. शासनाने घोषीत केले की जे शेतकरी कर्ज घेऊन नियमीत परतफेड करत असतील अश्या शेतकऱ्यांना महात्मा जोतीबा फुले कर्जमुक्ती योजने अंतर्गत ५० हजार रुपये पोत्साहन लाभ योजना सन २० 22- 23 मधे सुरु केला. सदर योजनेचा लाभ ८० % टक्के लार्भात्याना मिळाला परंतु दरवर्षी कर्जफेड करणारे लाभार्थी रोहिदास रामटेके , धनराज कुनघाडकर , प्रकाश कोलेते ' मोतीराम रामटेके , विमल पानकनवार ' निवृत्ता तुकलवार , गुरनुले, आदी शेतकरी लाभापासुन वंचितच आहेत. अशा प्रकार संपूर्ण जिल्हयात सुरु आहे. सदर परिषरातील शेतकरी कोअपरेटिव्ह बॅक शाखा येवली येथे विचारपुस करण्याकरीता गेले असता सदर शाखेचे अधिकारी सांगायला किंवा बोलायला तयार नाही उलट उद्धट उत्तर देतात असे शेतकऱ्यांनी सागीतले. २०% टक्के शेतकरी अजुनही प्रोत्साहन लाभापासन वंचित आहेत. अश्या वंचित शेतकऱ्यांचे अनुदान लवकरात लवकर मिळावे अशी मागणी वंचित शेतकरी रोहिदास रामटेके , धनराज कुकडकर, मोतीराम रामटेके , विमल पानकनवार आदीनी केलेली आहे.