सर्वानी बुद्धाच्या शांतीच्या मार्गाने चाललो तर सारे जगच शांत होइल: भाग्यवान खोबागडे

सर्वानी बुद्धाच्या शांतीच्या मार्गाने चाललो तर सारे जगच शांत होइल: भाग्यवान खोबागडे

✍️मुनिश्वर बोरकर

  गडचिरोली

गडचिरोली :-तथागत  बुद्ध यांनी जगाला दिलेला शांतीचा संदेश जर सर्वानी अंगीकारला तर साऱ्या जगात शांतता  नांदल्या शिवाय राहणार नाही. आणि म्हणुनच म्हटले आहे की सार्‍या जगाला युद्ध नको तर बुद्ध हवा अश्या प्रकारचे मौलिक विचार शिक्षण महर्षी भाग्यवान खोब्रागडे यांनी चुरमुरा येथील तथागत बुद्ध मुर्तीच्या अनावरण सोहळ्याप्रसंगी काढले. आरमोरी तालुक्यातील बौध्य समाज मंडळ चुरमुरा येथे सम्राट अशोक यांच्या जयंती दिनी तथागत गौतम बुद्ध मुर्तीचे अनावरण सोहळा पार पडला. कार्यक्रमाचे अध्यक्ष स्थानी माजी प्राचार्य राजकुमार शेन्डे हे होते तर प्रमुख अतिथी म्हणुन साहित्यिक जावेद पाशा , सामाजीक कार्यकर्ता नरेन गेडाम , शिक्षण महर्षी भाग्यवान खोब्रागडे , प्रा. शशीकांत गेडाम , अभारिप चे उपाध्यक्ष रोहिदास राऊत प्राचार्य हेमंत रामटेके  रिपब्लिकन पार्टीचे चंद्रपूर जिल्हाध्यक्ष गोपाल रायपूरे , अशोक खोबागडे ' अभारिप चे जिल्हाध्यक्ष हंसराज उदिरवाडे 'दै.लोकमतचे पत्रकार महेंद्र रामटेके  संगितकार विजय शेन्डे आदी लाभले होते. सकाळी १० वाजता भन्तेगण याचे हस्ते तथागत बुद्ध मुर्तीचे अनावरण त्रिशरण  पंचशिला ग्रहण करून संपन्न झाले. रात्रौ बुद्ध. भिम गिताचा कार्यक्रम झाला. कार्यक्रमाचे संचलन विजय शेन्डे यांनी तर आभार महेंद्र रामटेके यांनी मानले. कार्यक्रमास चुरमुरा गावातील नागरिक उपस्थित होते.