सर्वसामान्य जनतेला न्याय मिळवून देण्यासाठी पिरीपाच्या" गावभेट- वस्ती भेट "अभियानास प्रारंभ

सर्वसामान्य जनतेला न्याय मिळवून देण्यासाठी

पिरीपाच्या" गावभेट- वस्ती भेट "अभियानास प्रारंभ

✍️मुनिश्वर बोरकर

  गडचिरोली

गडचिरोली:-ग्रामीण तथा शहरी भागातील सामाजिक दृष्ट्या सर्व समाज घटकातील समस्याग्रस्त सर्वसामान्य जनतेला योग्य तो न्याय मिळवून देण्यासाठी लॉन्गमार्च प्रणेते माजी खासदार प्रा.जोगेंद्र कवाडे सर यांच्या नेतृत्वाखालील पीपल्स रिपब्लिकन पार्टी द्वारा अमरावती जिल्ह्यात गाव भेट --वस्ती भेट अभियान सुरू करण्यात येत असल्याचे प्रतिपादन पक्षाचे महाराष्ट्र प्रदेश कार्याध्यक्ष चरणदास इंगोले यांनी अभियानाचा प्रारंभ करताना केले आहे.

चरणदास इंगोले यांच्या नेतृत्वात दिनांक 14 मार्च 2023 मंगळवार रोजी सायंकाळी 6.00वाजता .

जेवड नगर वस्तीतील ध्यान साधना केंद्रामध्ये

अभिनव समाजपयोगी ठरणाऱ्या गाव भेट -वस्ती भेट अभियानाचा प्रारंभ करण्यात आला.

दिनांक 14 मार्च 14 एप्रिल, भीमजयंती पर्यंत एक महिना चालणाऱ्या अभियानाला प्रारंभ करताना ध्यान साधना केंद्रातील तथागत बुद्ध डॉ.बाबासाहेब आंबेडकरांच्या प्रतिमे समोर चरणदास इंगोले यांच्या हस्ते मेणबत्ती  प्रज्वलित करून पुष्पहार अर्पण करून अभिवादन करण्यात आले.

याप्रसंगी सेवानिवृत्त पोलीस उपनिरीक्षक गोवर्धनजी हरडे ज्येष्ठ समाजसेवक जानरावजी वाटाणे ,प्रल्हाद दामोदरे ,यांच्या हस्ते तथागत बुद्ध डॉक्टर बाबासाहेब आंबेडकरांची प्रतिमा भेट देऊन अभियानाचे नेते चरणदास इंगोले यांचा सत्कार करून त्यांना उपस्थित समाजबांधवांनी आपल्या मनोगतातून अभियानास शुभेच्छा दिल्या.

यावेळी गोवर्धन हरडे, जानराव वाटाणे, प्रल्हाद दामोदरे, कैलास सोनोने, दामोदर ढेंबरे विमलबाई गवई, इंदुबाई डवरे,  वनिताबाई लांजेवार ,गयाबाई तायडे , यांचेसह अन्य समाज बांधवांची उपस्थिती होती.