भारतीय राष्ट्रीय काँग्रेस द्वारे मुंबई येथे महागाई बेरोजगारी अदानी केलेल्या भ्रष्टाचारावर भव्य मोर्चा

भारतीय राष्ट्रीय काँग्रेस द्वारे मुंबई येथे महागाई बेरोजगारी अदानी केलेल्या भ्रष्टाचारावर भव्य मोर्चा

✍️मुनिश्वर बोरकर

  गडचिरोली

मुंबई:-- 13 मार्च 2023 रोजी भारतीय राष्ट्रीय काँग्रेस द्वारे मुंबई येथे महागाई, बेरोजगारी, अदानीने केलेला कोट्यावधीचा भ्रष्ट्राचार व त्यामुळे आर्थिकदृष्ट्या धोक्यात आलेल्या जीवन विमा निगम, भारतीय स्टेट बँक व इतर राष्ट्रीयकृत बँका, अदानीशी असलेले प्रधान मंत्री नरेंद्र मोदींचे संबंध, केंद्र सरकार द्वारे मूठभर पुंजीपतींचे चांगुलचालन, आकसाने केलेली ईडी ची कारवाई, अदानी समुहाच्या महाघोटाळ्याची चौकशी संयुक्त संसदीय समितीकडून व्हावी, इत्यादी प्रश्न घेऊन सन्माननीय राज्यपाल महोदयांना निवेदन देण्यासाठी राजभवनावर मोर्चा काढण्यात आला. सदर मोर्च्यात गडचिरोली काँग्रेस जिल्हाध्यक्ष महेंद्र ब्राह्मणवाडे यांचेसह सहभागी महाराष्ट्र प्रदेश काँग्रेस कमिटी महासचिव डॉ. नामदेव किरसान, आमदार अभिजित वंजारी, आमदार विकास ठाकरे, आमदार वजाहत मिर्जा, आमदार सुभाष धोटे व आमदार सुधाकर आडबले. मोर्च्याचे नेत्रुत्व महाराष्ट्र प्रदेश कॅांग्रेस कमिटी अध्यक्ष आ. नानाभाऊ पटोले, माजी मुख्यमंत्री आ. अशोकराव चव्हाण, विधानसभा गटनेते बाळासाहेब थोरात यांनी केले.