*चारचाकी वाहनाने पोलिस कर्मचाऱ्याच्या दुचाकीला धडक . पोलीस कर्मचारी व पत्नी जखमी चालकावर गुन्हा दाखल!!*

चारचाकी वाहनाने पोलिस कर्मचाऱ्याच्या दुचाकीला धडक . पोलीस कर्मचारी व पत्नी जखमी चालकावर गुन्हा दाखल

*वाशिम जिल्हा प्रतिनिधी: दामोदर जोंधळेकर*

*कारंजा (लाड* ):कारंजा मंगरूळपीर मार्गावरील सोहळ फाट्याजवळ  २७ फेब्रुवारी रोजी रात्री ८.३० वाजता टाटा मॅजिक चारचाकी वाहन चालकाने कारंजा शहर पोलीस ठाण्याचे पोलीस हवालदार शेरू गारवे यांच्या दुचाकीला धडक दिल्याने शेरू गारवे व त्यांची पत्नी जखमी झाले.  त्यात त्याच्या दुचाकीचा काही भाग खराब झाला.मिळालेल्या

माहितीनुसार, कारंजा शहर पोलीस ठाण्याचे पोलीस कर्मचारी शेरू रन्नू गारवे, रा.लक्ष्मी नगर कारंजा, युनिकॉन दुचाकी क्र. एमएच-37- यू-8890 शिवणीकडून कारंजाच्या दिशेने येत असताना कारंजाकडून मंगरूळपीरकडे सोहळ  फाट्याजवळ टाटा मॅजिक वाहन जात होते. MH-29 BC 3726 चा चालक दारूच्या नशेत आपले वाहन चालवत असताना त्याने फिर्यादीच्या दुचाकीला जोरदार धडक दिल्याने फिर्यादीच्या दुचाकीचे नुकसान झाले व पत्नी जखमी झाली. अपघाताची माहिती मिळताच प्रा.सी.पी.शेकुवाळे यांनी घटनास्थळ गाठून कारंजा ग्रामीण पोलीस ठाण्याचे पोलीस निरीक्षक गजानन धंदर यांना अपघाताची माहिती दिली. जखमींना उपजिल्हा रुग्णालयात पोहोचवले. प्राथमिक उपचारानंतर शेरू गरवे यांच्या तक्रारीवरून चारचाकी चालक अमोल मारोतराव गोल्लार वय ३७ रा.वाइगाव ता. जी. वर्धा याचा विरुद्ध कलम 279,337,427,185 मोटर वाहन एक्ट नुसार गुन्हा दाखल झाला आहे. पुढील तपास पोलीस निरीक्षक कारंजा ग्रामीण स्टेशने गजानन धदर याचे मार्गदर्शनात सुरू आहे.