*विवाहितेची विहिरीत उडी घेऊन आत्महत्या*!!

*विवाहितेची विहिरीत उडी घेऊन आत्महत्या*!!

*वाशिम जिल्हा प्रतिनिधी: दामोदर जोंधळेकर*

*वाशिम:* रिसोड शहारातील बेंदरवाडी येथील चार मुलांच्या आईने विहिरीत उडी घेऊन आत्महत्या केल्याची घटना दि.9 फेब्रुवारी 2023 रोजी दुपारी 3:00 वाजता उघडकीस आली.पोलिस सुत्रांकडून मिळालेल्या माहितीनुसार, रिसोड शहरातील बेंदरवाडी येथील अर्चना शिवाजी मोरे  वय 26 वर्ष हिने 9 फेब्रुवारी रोजी बेंदरवाडी जवळील विहिरीत उडी घेऊन आत्महत्या केली.  घटनेची माहिती मिळताच पोलीस ताफा घटनास्थळी पोहोचला व मृतदेह विहिरीतून बाहेर काढून येथील ग्रामीण रुग्णालयात शवविच्छेदनासाठी दाखल केले. आज १० फेब्रुवारी रोजी शवविच्छेदन करून मृतदेह नातेवाईकांच्या ताब्यात दिला.  अर्चनाला तीन मुले आणि एक मुलगी असून घरची परिस्थिती हलाखीची आहे. ती मजुरी करून कुटुंबाचा उदरनिर्वाह करत होती.  मात्र नवऱ्याच्या दारूच्या आहारी गेल्याने घरात रोज भांडण व्हायचे.  याला कंटाळून अर्चनाने हे पाऊल उचलले असल्याचे बोलले जात आहे.पण तिने आपल्या चार निरागस मुलांचा अजिबात विचार केला नाही.  याबाबत परिसरात हळहळ व्यक्त केली जात आहे. पोलीसांनी याप्रकरणी अकस्मिक मृत्युची नोंद करून अधिक तपास करत आहेत.