*अल्पवयीन मुलीचा विनयभंग, दोन आरोपी विरुध्द पोस्को दाखल !!*

*अल्पवयीन मुलीचा विनयभंग, दोन आरोपी विरुध्द पोस्को दाखल !!*

*वाशिम जिल्हा प्रतिनिधी: दामोदर जोंधळेकर*

*वाशिम:मानोरा* तालुक्यातील एका गावातील विध्यार्थीनी तीच्या मैत्रिणीसह शाळेतुन सायकलने घरी जात असताना रस्त्यावर दोन आरोपींनी मोटरसायकल आडवी करून अल्पवयीन मुलीचा विनयभंग केल्याची घटना दि.३ फेब्रुवारी रोजी घडली. या प्रकरणी मानोरा पोलिस स्टेशनला दोन आरोपी विरुध्द बाल लैंगिक अत्याचार विरोधी कायदा व विनयभंगाचा गुन्हा दाखल करण्यात आला.

पोलीस सूत्राकडून प्राप्त माहिती नुसार मानोरा पोलीस स्टेशन अंतर्गत येत असलेल्या एका गावातील मुलगी आपल्या मैत्रिणी सोबत शाळेतून घरी जाण्यासाठी आपल्या सायकलने जात असतांना ३ फेब्रुवारी ला आरोपितानी दारु पिऊन आपली मोटारसायकल आडवी आणून लावली व मुलीस मोबाईल नंबर मागितला.त्यांना कशाला पाहिजे असे विचारणा केली असता तेवढ्यात जामदरा येथील एक नागरिक आल्याने ते तेथून  मोटारसायकल घेऊन निघून गेले. अशी फिर्याद पीडित मुलीने मानोरा पोलीस स्टेशनला दिल्याने आरोपी सुरेश वाघमारे व विशाल खडसे रा.जनुना बू. ता.मंगरूळपीर यांचे विरुद्ध कलम ३५४ ड,बाल लैंगिक अत्याचार कायदा अंतर्गत गुन्हा दाखल करण्यात आला. सदर प्रकरणाचा अधिक तपास ठाणेदार ब्रम्हदेव शेळके यांच्या मार्गदर्शनाखाली पोलीस उपनिरीक्षक सविता वड्डे हे करीत आहे.