*आदिवासी बांधवांनी कचारगड यात्रेला अवश्य जावे*

*आदिवासी बांधवांनी कचारगड  यात्रेला अवश्य जावे*

*कचारगड येथील  राष्ट्रीय गोंडवाना महाअधिवेशन व महागोंगोना कोयापुनेम महापूजा व  गोंडी साहित्य महासंमेलनाला  आमदार डॉक्टर देवरावजी होळी यांची उपस्थिती*

 ✍️मुनिश्वर बोरकर

   गडचिरोली

गडचिरोली:--राज्याचे आदिवासी विकास मंत्री ना.डॉ. विजयकुमार गावित, खासदार अशोकजी नेते,देवरीचे माजी आमदार संजय भाऊ पुराम  यांच्यासह आमदार डॉक्टर देवराव जी होळी यांनीही केली महापूजा

दिनांक ४/२/२०२३ कचारगड*संपूर्ण आशिया खंडातील तथा भारतीय उपखंडातील गोंडीयन संस्कृती, जनजाती रितीरिवाज ,परंपरा ,  बोली भाषा,पूजा पद्धती ,पूजा विधि, नृत्य  कला, पहाडी  गुफा , यांचे अतिरम्य दर्शन घडविणारे  पारी कोपार लिंगो मा कली कंकाली देवस्थान कचारगड धनेगाव तालुका सालेकसा जिल्हा गोंदिया द्वारा   कचारगड येथे राष्ट्रीय गोंडवाना महाअधिवेशन व महागोंगोना कोयापुनेम महापूजा व  गोंडी साहित्य महासंमेलनाचे व राष्ट्रीय गोंडी नृत्य महा महोत्सवाचे अति भव्य असे आयोजन केले जाते.खरोखरच या यात्रेला  प्रत्येक आदिवासी बांधवाने गेले पाहिजे असे प्रतिपादन   गडचिरोली विधानसभा क्षेत्राचे आमदार डॉक्टर देवरावजी होळी यांनी या यात्रेच्या भेटीच्या प्रसंगी केले.

या भव्य यात्रेला  राज्याचे आदिवासी विकास मंत्री ना.डॉ. विजयकुमार गावित, खासदार अशोकजी नेते,देवरीचे माजी आमदार संजय भाऊ पुराम  यांच्यासह आमदार डॉक्टर देवराव जी होळी यांनीही भेट देवून त्या ठिकाणीं आदिवासी देवी देवतांची महापूजा केली.

आमदार डॉक्टर देवरावजी होळी  हे दरवर्षी न चुकता या कचारगड यात्रेला जाऊन त्या ठिकाणी सहभाग घेतात. यावर्षी देखील  यात्रेमध्ये आहेत. या यात्रेला  आदिवासी बांधव मोठ्या प्रमाणामध्ये येतात.  प्रत्येक आदिवासी बांधवाला याचे महत्त्व माहित व्हावे व त्यांचाही याच्यात सहभाग असावा करिता आदिवासी बांधवांनी कचारगड  यात्रेला अवश्य जावे असे प्रतिपादन त्यांनी केले.