प्राचार्य रामकृष्ण ताजणे यांचं सेवापुर्ती सत्कार सोहळा संपन्न

प्राचार्य रामकृष्ण ताजणे यांचं सेवापुर्ती  सत्कार सोहळा संपन्न

✍️मुनिश्वर बोरकर

   गडचिरोली

गडचिरोली:--स्थानिक शिवाजी  हायस्कूल तथा  कनिष्ठ महाविद्यालय चामोर्शी चे  प्राचार्य श्री.रामकृष्ण ताजने हे नियतवयोमानुसार 31 जानेवारी 2023 रोजी सेवानिवृत्त झाले. त्यांचा सहकुटुंब सस्नेहसत्कार समारंभ शिवाजी हायस्कूल चामोर्शी येथे 3  फेब्रुवारी रोजी  शाल,श्रीफळ व भेटवस्तू देऊन करण्यात आली.

        व्यासपीठावर कार्यक्रमाचे अध्यक्ष डी. एन. चापले अध्यक्ष शाळा समिती तथा सदस्य श्री.शि शि.प्र.म. गडचिरोली, प्रमुख अतिथी म्हणून माननीय अरुण पा. मुनघाटे, माननीय शरद पा.ब्राह्मणवाडे, माननीय नरेंद्र पा.म्हशाखेत्री, प्रभारी प्राचार्य आर. एस. ताराम, पर्यवेक्षक वाय. एस.निकोडे, श्रीमती मीराताई ताजणे, समीर ताजणे उपस्थित होते.

      यावेळी अनेक शिक्षक सहकारी यांनी ताजणे सरांच्या सेवेतील आठवणी जाग्या केल्या. त्यांच्या कामाची पद्धत शिस्तप्रिय, कर्तव्यदक्ष आणि क्षमाशील अशी वर्तनुक होती  शिक्षण सेवेत असताना अनेक विद्यार्थी घडवून आदर्श विद्यार्थी कसा घडवला पाहिजे हे ताजणे सरांकडून शिकावे असे मनोगत व्यक्त केले.

       सत्कारमूर्ती ताजणे सरांनी आपल्या मनोगतातून आपला जीवन प्रवास सांगितला ज्ञानदानासारखे पवित्र कार्य करीत असताना विद्यार्थी शिक्षणात तडजोड न करता शिस्त लावली. सांस्कृतिक व शैक्षणिक क्षेत्रात विद्यार्थी तयार केले पाहिजे असे सांगितले.

   कार्यक्रमाचे अध्यक्ष चापले सरांनी ताजणे सरांचे शिक्षण क्षेत्रातील योगदान सांगितले. कार्यक्रमाचे सूत्रसंचालन श्री नरुले सर यांनी केले तर आभार श्री राकेश खेवले सर यांनी मानले.