अमृतकाळातील अर्थसंकल्प म्हणजे शेतकऱ्यांसाठी "पर्वतासमान " - विनोद जाधव

अमृतकाळातील अर्थसंकल्प म्हणजे शेतकऱ्यांसाठी "पर्वतासमान " - विनोद जाधव

वाशिम जिल्हा प्रतिनिधी: दामोदर जोंधळेकर

राष्ट्र गौरव पंतप्रधान नरेंद्र मोदी यांच्या नेतृत्वातील केंद्रीय अर्थमंत्री निर्मला सीतारमन यांनी मांडलेला अर्थसंकल्प शेतकऱ्यासाठी 'पर्वतासन' असल्याचे मत अर्थसंकल्पावर प्रतिक्रिया देताना भाजप किसान मोर्चा प्रदेश कार्यकारणी सदस्य विनोद पाटील जाधव यांनी म्हटले, पर्वतासनामुळे आपण पर्वता सारखे गंभीर व दृढ व्हायला शिकू शकतो या आसनामुळे शरीरातील रक्तप्रवाह सुरळीत होतो. ऑक्सिजनची कमतरता भरून काढण्यास मदत होते. आणि त्यांच प्रकारे यंदाचा अर्थसंकल्प म्हणजे कृषी क्षेत्रासाठी अर्थात शेतकऱ्यांसाठी पर्वतासन योग असल्याचे दिसून येते. कृषी क्षेत्राला बळकटीचा ऑक्सिजन मिळावा या हेतूने काही तरतुदी या अर्थसंकल्पात आहेत मग शेतकरी फळबाग, श्री अन्न भरड धान्य (डाळी) योजना, ग्रामीण भागात नवउद्योजक तरुणांना प्रोत्साहन देण्यासाठी तसेच कृषी विकासाला गती देण्यासाठी भरघोस निधीची तरतूद करण्यात आली आहे. तसेच शेतकऱ्यांना सेंद्रिय शेतीचे प्रशिक्षण अशाप्रकारे अमृतकाल बजेट शेती, उद्योग, शिक्षण, आरोग्यसेवा, अर्थ, आणि तंत्रज्ञानासह विविध क्षेत्राना भरभराट आणणारा असून सर्व घटकांना सर्वसमावेशक न्याय देणारा अर्थसंकल्प असल्याचे जाधव म्हणाले.